Sekaraia 6:12 - Nobonob Baibel

¹² Na amu hewona, na nug amegppa inam akkut. Yawe Nukka Ɠagattag Oh Ele Nug inam atte. Laa nug onig Ad Diigppa Ita Bau, nug nuhig abenppa dayaya, elelenab mekku. Nug Yawenu mettid lag eɗua bappaidkku.

Sekaraia 6:12 Referans Kwoze

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Jeremaia 33:15

Haen amuppa da heppi, danab laa Dawit buɗubppanu bekku; ad diigppa ita bau bette, amubia bekku. Nug am genab tutukku danab. Nug ba, nug wan imuppa hanhan nai doya mala hettoɗia epeɗia elele mettak kobol, kobol tutukku ele, nug amu dim lamidkku.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Hibru 8:3

Mana mettak ikki danab anen anen amu, ag ahilag uɗatppa ag mana mettak digdig hetteb amunu, Jesus Nug ele mana mettak laa hekkununab dayom. ⌊Nuhig mana mettak am Nug beɗu.⌋

Hibru 7:24

Amge Jesus Nug am hanhan bauklel daatte amunu, Nug mana mettak danab hanhan daakku. Baoliak laa iitta. Mana mettak dayak amuam danab laa eppegppa iinab wama

Hibru 7:4

Aria Melkisedek nug am danab onig okkai ele amu, ag antteg! Nug am onig okkai iitta ele daalo amu Abraham nug ban ha, keeke awom amu ameg 10 oolagppanu laippu nug ii mettalo amge anam iitta. Nug ameg 10 oolagppanu ameg laippu mettom.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

Aposel 13:38

Amunu, O lailad, ag doyeg! Ig Jesusnu uɗat okkai, amuppa ig hipuninnu uhuqa mettaknu nai ag amelagppa mehuqttem.

Jon 1:45

Anam a amu Pilip nug Nataniel mattia antta, amegppa aum. “Danab Moses nug anukka ɗo naippa nuhignu yom, propet ag ele nuhignu yaappig amu, ig aakku anidmut. Nug am Josep bekka Jesus, Nasaret ted,” awa aum.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

Mak 15:39

Jesus mauhe, ban daup 100 dilag ikki nug Jesus noobppa dayom, nug Jesus attem mauhom antta, nug aum. “Genab, danab imu Nug Kayak Bekka!” awa aum.

Mak 15:29

Aria, danab ah ag nug noobppa dona wanana, ag ikkilag matuɗna, aon aon qettanna inam appig. “O na, na am Kayaknu mettid lag loppaɗna, eɗun deɗ ewamppaib hekkutnu ame amu,

Mak 14:58

“Danab imu Nug inam a doomuɗ. ‘Da Kayaknu mettid lag imu, danab eppelagppa heppig ele amu, da heppi nauheb, da deɗ ewam ooppa, da bau hekkul, amge da eppelppa ii hepa.’ Nug anam aum,” aoya apiɗ.

Matyu 26:61

beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Sekaraia 8:9

Amu Yawe Nukka Ɠagattag Oh Ele Nug inam atte. “Ag oolag ɠagattag qettan, ag da, Yawe Dakka Ɠagattag Oh Ele, ag da laul heppeg malaɗ! Serubabel nug digma, da laulnu men ukku meum, haen amuppa propet danab ag, ag aɗi hekkulagnu mattieg dooppig ele amu, gemu ag baula nai amu dootteb.

Maika 5:5

Am danab amu Nug heeb, maɗoɗ daakku. Asiria ag ig Israel eɗigkkulagnu uɗiglag. Ao, ag ihinkad aab aɗ ɠagattagnab eleppa laippu tappa ukkakppa oiglag. Amu diig amunu ig danab sipsip gumadtteb, ig gumak danab amubia eblaih aɗit ele otiadkkunig. Ao, ig ikki danab eblaih ewam ele otiadkkunig.

Esra 3:10

Amu uɗat nid ag Yawenu mettid lagnu men ukku mena malaeg, mana mettak danab ag maɗi ahilag haknu lamen ahilkad takkan, ag trampet aɗan, Lewi buɗubppan mana mettak danab iitta, ag Asap buɗubppanu, ag ahilkad simbal aɗaeg, ag oh Israel dilag king anukkanu Dawit ag hekkulagnu ippuanattom bia, ag ahilag abenppa Yawe binag mekkulagnu teppig.

Esra 3:8

Ag anam hena, heeg ukke ukke, maɗ ag eɗun, Kayak laug, Jerusalem appa dayomppa, ag appa uɗippig, maɗ amu male, maɗ amu dimugppa, maɗ amunu kalam aɗitppa, Sealtiel bekka Serubabel, Josadak bekka Jesua, aa lailti ele, amuam Lewi buɗubppan mana mettak danab, Lewi buɗubppan mana mettak danab iitta, amu danab oh ag Babilon appa diia ukka laih me dayak danab ah daappig, ag appanu eɗun, Jerusalem uɗippig amu, ag oh ahan, Yawe laug digmena buuppig. Ag amu henana, ag Lewi buɗub, ag maɗ 20 ele, o maɗ 20 eɗittak, ag uɗat amu guman daaglagnu tituanadppig.

Hibru 10:12

Amge Kristus Nug am haen laippu aakkuib hipunin uhuqaknu mana mettak hanhannu aakku heum. Nug anam hewowa, Nug Kayak eppeg naɗiap-ppa heɗep na dayom.

Jon 19:5

Anam a, Jesus haɗ muɗi qaun eleppa hak igippa dayeye, lamen elab perpel amu ele beɗuppa dayeye, Nug dimittim doum. Do amu Pailat nug aum. “Ag danab imu antteg!” awa aum.

Esekiel 37:25

Ag anam henana, ag wan ag mamelkad aɗi daadppigppa, wan amu da Jakop mettami amu, ag amuppa daaglag. Ag, ag bekkalkad, ag alalkad uma ukkak ele ag hanhan wan amuppa daaglag. Ag anam daappeg, dahil maɗi nid Dawit, nug hanhan ahilag okkai daakku.

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

2 Samuel 7:13

Laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku. Nid nahip amu, nugnab dahil lag, da onil amuppa daakkunu amu, nug hekku.

Esekiel 41:1

Amuppanu amu danab melemel meum ele nug da omaiɗa, Oo Gun Eleppa ukka, nug amuppa ukkaknu od oɗenu ukku honap melemel meum. Nug melemel me, od oɗe amunu ukku amuam 3 mita.