Sekaraia 5:11 - Nobonob Baibel

¹¹ Da anam oɗ mettai, nug da amelppa aum. “Aa kaleg amu aoya, Babilon wanppa gottep. Appa qinob lag laa babaittak dayeb amu, kaleg amu lag amuppa nuhig abenppa meppeg daakku,” awa aum.

Sekaraia 5:11 Referans Kwoze

Genesis 11:2

Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Genesis 10:10

Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Genesis 14:1

Haen amuppa Sinar dilag king onig Amrapel, Elasar dilag king onig Ariok, Elam dilag king onig Kedolaomer amu Goim dilag king onig Tidal ele,

Jeremaia 29:28

Aɗinu? Nug pas laa me, ig Babilon ippa daattem, ihinigppa neum, amu pas amuppa nug yom. ‘Ag paha eɗun ii uɗimna. Iitta. Ag haen elab appa daaglag amunu, ag lag hena, ag appa daaglagnu dabmak aon oinna, ag dad eppona, aɗi ee amuppa aona, amu ag aon laig!’ yom ⌊amunu, aɗinu na bu ii mettame?” ’ Semaia, na pas amuppa Sepanaia dookkunu anam yaame amunu, na bu aokkut.⌋” Yawe Nug Jeremaia amegppa Semaianu anam aum.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Duteronomi 28:59

Yawe Nug ahilagppa, amu ag buɗulkadppa ele, Nug ahilagppa oɗe naunab nau digdig danab ah huanak aqe mauhtteb, uug naunab digdig, haen elab daatteb, amu aria, oɗe laala ele, laa heeb, iitta maknu elele iitta, Nug amu ahilagppa meeb nekku.

Sekaraia 5:10

Aa anam heeh, da engel nug da ele nai mattimuɗ, da nug oɗ mettami. “Aa kaleg amu aoya, adeppa gottep,” awe oɗ mettami.