Sekaraia 2:6 - Nobonob Baibel

⁶ Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Sekaraia 2:6 Referans Kwoze

Esekiel 17:21

Da Juda dilag king, Babilon dilag king eppegppa mekkul, haen amuppa Babilon dilag daup ag Juda dilag daup eɗadppeg, Juda dilag daup ag oolkkulag. Ag oolkkulag, amge ag oolppeppeg, Babilon dilag daup ag eheɗ aqaglag. Ag oh aqaglag, amge laib laib ii aqaglag amu, ag oolna laih laih matatun gokkulag. Da amu oh heppi beppeg amu, ag Juda, ag dooglag, da Yawe, da aakku ami.”

Aisaia 48:20

⌊Yawe Nug atte.⌋ “Ag Babilonnu ahan ukkeg! Ao, ag Babilon oolagppanu ahan, oolna ukkeg! Ag gonana, ag, ‘Yawe Nug ig Jakop buɗub, nuhikkud maɗi nid maɗi ah ele, Nug ig laa eppelagppa dayaknu qagaiettakppanu eɗua uhuqak ha mekkom,’ mattinna eig! Ag wan atu ohppan danab ah dooglagnu nai amu appeg doyeg!

Revelesen 18:4

Amu da baula baag laa hab aabppanu doomi, amu nug inam aum. “Dahilad danab ah ag nug ooppanu uɗin, dimittim ippa doig! Iitta dayeb, ag nug ouqeppeg, ag nug ele nuhig hipuninppa daaglag, nuhig hipunin nob nau amu, ag nug ele aoglag.

Esekiel 11:16

Ag anam atteb amunu, na inam Jerusalem danab ah amelagppa appe doyeg! Naɗi Yawe Nug inam atte. ‘Am genab, da hei, ag umanab gona, wan laalappa daatteb. Ao, da hei, ag matatun gona, wan laalappa daatteb. Amge haen gamag imunu appa ag adeppa adeppa daatteb amu, danab mettid lag dahilppa ena daatte, amubia dahil ehanittakppa ag appa nakok ena daatteb,’ awa atte.

Duteronomi 28:64

Yawe Nug ag wan imuppanu maatteb gona, tamtam wanppan wan ohppa daaglag amunu, ag baula wan imuppa ii daamna. Appa ag danab laihnu dilag kayak menppa, adppa ele hadappig amu; ag amu, ag mamelkad aɗi ele ii dooppig ele amu, ag amu noolagppa dup noa binag mak kobol hekkulag.

Genesis 19:17

Omaladya dimittim noya amu, engel laa nug aum. “Ag padal memanade, ag oolna ukkeg! Aib eɗun neegppig. Ag qaukoppa ukkeg! Uɗemppa aib daappig! Ag qaukoppa ii gokkulag amu, ag padal mekkulag,” awa aum.

Sekaraia 2:7

O Sion danab ah, ag Babilon appa diia ukka laih me dayak danab ah daatteb amu, ag appanu eɗun uɗin, Jerusalem ippa dayeg!

Amos 9:9

Yawe Nug inam ele atte. “⌊Amuam genab bekku.⌋ Aɗinu? Antte! Da haknunab nai ain heppi, ag Israel buɗub ag epeɗiak uug ele wanppan wan laa oh ele laippu aon daaglag. Epeɗiak amuam danab nug ee aeg, menetit ele qagmak laippu daamanu uɗalakppa heehe, men laippunab laa ee aeg daakku abenppa iinab daatte, amubia ag daaglag.

Esekiel 5:12

Ag Jerusalem daatteb amu, ag obatak ewam daatteb bia. Amu aab ooppa danab ah oh obatak laippu laa ooppa daatteb, ag oɗe nau danab kuɗum aqe mauhtteb elenu, o enugnu aab okkai ooppa mauhkkulag. Danab ah obatak laappa daatteb amu, kekeɗ ag aab dimittim ag ag aqappeg mauhkkulag. Amu obatak laa da heppi, kekeɗ ag diin heppeg, ag wan laalappa matatun gona daaglag, amge appa ele da heppi, ag qep elabppa mauhkkulag.

Jeremaia 51:50

Babilon nob aoglag amunu, ag Israel danab ah ag qep elabppa ii mauhppig ele, ag Babilon uun ukkeg! Ag hamu hamu appa aib daappig! Ag umanab wan laappa daatteb, amge ag Yawe dabmetteg! Ag Jerusalemnu dabmenan oiyeg!

Jeremaia 51:45

Yawe atte. “O Juda danab ah, dahilad danab ah, ag ahan, Babilon uun uɗieg! Ag mauhmananu ag am ooleg!” awa atte. Yawe Nug Babilon dilag eheɗ haknu oo huanak nauhe, Babilon bu eheɗ madakkunu hette amunu, ag ele bu amu aomnanu ag ooleg!

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Jeremaia 50:8

Amu Yawe atte. “Ag anam eheɗ hattana appig, amge O dahilad danab ah, ⌊da Babilon bu madakkul amunu,⌋ ag ahan, Babilon wanppanu ooleg! Ag Babilon wanppa aib daappig! Ag meeme dawai, sipsip laa diin, laih gotteb bia hena, ag ahan ukkeg!

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Jeremaia 31:8

Antte, Israelnu wan laa, yawalti uɗitteppanu daatte, da appanu Israel danab ah diie uɗikkul. Yo, da ag wan batakppanu diie qagmaadkkul. Danab ah kuɗumnab, ag uɗiglag. Kuɗum laa ag beɗulag ena ele, amge laala ag amelag gaɗuak ele, laala ag baelag mauhak ele, laala ag ah oolkad ele, laala amu, ag ah nid menuadkkulagnu miag daatteb ele oh uɗiglag.

Jeremaia 15:4

Hesekaia bekka Manase, Juda dilag king, nug Jerusalem dayaya, nug kobol eheɗ nau kuɗum heum amunu, da heppi, wan laa ohppan danab ah ag Juda danab ah dilagnu oolagppa uuaknab dooglag.

Jeremaia 3:18

Haen amuppa Juda danab ah, Israel danab ah ele ag oh qagmena, wan laa yawalti uɗitteppanu daatte, ag wan amuppanu ahan uɗin, wan da ag mamelkad aɗi ag aulag daakkunu mattami ele, ag uɗin, wan amuppa daaglag.

Jeremaia 1:14

Da anam ai, Yawe Nug aum. “Yawalti uɗitteppanu amu, da appanu danab heppi, ag uɗin, ag danab ah Juda wanppa daatteb hadappeg, padal mekkulag.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Rut 4:1

Aria, Naomi, Rut ele aa amunu mattiya daaeheh, Boas nug ikki danab dilag qagmak aben aab nuhig odppa daatte, nug appa ta dayom. Dayeye, danab laa, nug Elimelek ele aa tiig laippunab, Rut ehanidkkunu anuqak dayom, Boas nug tatam nuhignu Rut amegppa aum ele, nug uɗiom. Uɗie, Boas nug onigppa eum. “Ne lai, inam doppe daaɗu!” awa aum. Boas nug anam a, nug do daapiɗ.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Mak 13:27

Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Esekiel 5:10

Da amu hekkul amunu, Jerusalem ooppa mamelkad anilkad ag nid ahilkad ladappeppeg, nid ag ele anilkad mamelkad lattaglag. Da ag bu madappi, ag kuɗum mauhkkulag. Amu laa ag ii mauhkkulag amu, da heppi, kekeɗ ag diin, wan laih laih miag, am uma ele gokkulag. Ulah keeke huma awa gotte, amubia kekeɗ ag heppeg, ag Juda ag matatun laih laih gona daaglag,” awa atte.

Daniel 11:4

Amge nug aha, king ɠagattag anam dayeb ukkeb mauheb, wan oh nug gumakku ele amu obatak dayeb, laala ag gumaglag. Wan amu maha laa am wan yau uɗitteppanu daakku, maha laa am wan Yawalti uɗitteppanu daakku, maha laa am wan kaɗag uɗitteppanu daakku, amu laa am wan qaban uɗitteppanu daakku. Danab waɗele ag wan waɗele amu gumaglag amu, ag laa king daya mauhom ele, ag nug bekkod iitta. Ag danab laa. Amu wan anen anen ag ɠagattagnab, king naɗi ii mauhom haenppa, wan laippu ɠagattagnab dayom, amubia ii daama. Aɗinu? Wan laippu amu obatak waɗele beeb, okkai waɗele laa ag gumaglag.

Jeremaia 31:38

Amu Nug atte. “Haen uɗitte amu, haen amuppa, danab ag aab okkai imu dahilnu eɗun bappaidkkulag. Ag Hananelnu lag attan ta ukkak menppa hakppa digmeppeg ukkeb, aɗnu od onig Daugppan Od, appa batak eɗun bappaidkkulag.

Sekaraia 1:16

Diig amunu amu, Yawe Nug inam atte. “Da Jerusalem danab ah dilagnu, ⌊Juda laa oh dilagnu ele⌋ ool gai-iitta doye, ool matte ehanadkkulnu eɗuen uɗimi. Da heppi, danab laa ag dahil mettid lag eɗun bappaidna, Jerusalem ele eɗun bappaidkkulagnu dabmak aoglag.” Yawe Nukka Ɠagattag Oh Ele Nug anam atte.