Sekaraia 14:7 - Nobonob Baibel

⁷ Deɗ amuam deɗ diig laa daakku; amahlaknab, gatatunab ele ii daama. Yawe Nugib keeke amu heeb bekkunu dootte. Am anam dayeb ukkeb, tuebnab meeb, amahlak daakku.

Sekaraia 14:7 Referans Kwoze

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 15:18

Anukka Kayak Nug nai amu mattia aum, amu gemu ele Nug anamib atte.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Mak 13:32

Anam amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem, Mama nukka keeke amu dootte.

Matyu 24:36

Anam, amge laippu laa nug amunu haen, deɗ ele ii dootte. Engel hab aabppa daatteb ele ii dootteb. Da ele ii doottem. Mama nukka keeke amu dootte.

Jeremaia 30:7

Haen amuam haen nau. Haen laa am haen amubia ii dayom, gemu ii daatte, butti aɗi ele anambia ii daama. Haen amuppa amu, Jakop buɗub ag uug nau aoglag, amge da ehanadppi, ag ii padal memana.

Sam 37:18

Danab ah ag Yawenu neekkakppa ag oolagppa kaliak laa iitta ele amu, Yawe Nug deɗ deɗ ag atognoadtte; ag am nob ena, ag aulag aakku, hanhan daatte ele aoglag.

Revelesen 21:25

Amunppa ag aab amunu aɗ od ii maimna amunu, nuhig od am haen laa manak ii daamna. Aɗinu? Gatatu aab amuppa ii nema.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

Revelesen 14:6

Aria, da engel laa nug hagagaɗa, nug Nai Ena bauklel hanhannu ele, danab oh wanppa daatteb, amuam danab ah ag wanppan wan ohppanu, huu ohppanu, nai ohppanu amu beɗulag iɗu iɗu ohppanu ele, ag amelagppa mehuqkkunu hab waappa aben gamag amuppa ugekke anidmi.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Aposel 17:26

Amu danab ah buɗub oh amu, Nug ag alalag laippu heum, amu nuhigppanuib ag bena appatppig. Appateg, Nug he, ag gona wan ohppa daaegeg, Nug nukka haen ahilag matta, appalkad anen anen ele mattom.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

Aisaia 9:7

Nug am King Dawit ou, Nug geha Dawitnu sia kingppa dayaya, danab ah gumadkku. Gumak uɗat pehettak hekkunu ɠagattag, maɗoɗ ele am haen oh okkai meebeb gokku. Nug Dawit ou daya, Dawitnu sia kingppa dayaya, Nug kobol genab tutukku ele, amu nai doya mala hettoɗia epeɗia elele mettak kobol ele dim lamittebeb, gumak nuhig am okkai, ɠagattag ele beebeb ukkeb, anamib hanhan daakku. Yawe Nukka Ɠagattag Oh Ele, Nugib amunu yag-nab-bak doya heeb, anam bekku.

Aisaia 24:23

Yawe Nukka Ɠagattag Oh Ele, Nug uɗia, Sion qaukoppa Jerusalem appa, danab ah nuhikkud dilag ikki danab noolagppa danab ah gumattebeb, Nuhig binag amahlak oppiaawak ele am miagib daakku. Anam amunu, aamnu amahlak, kalamnu amahlak ele am geha keeke hamu bia daakku. Aam o kalam danab daalo, am nug uɗa nelo.

Aisaia 45:21

Ag danab ah laih laihnu banppa ii mauhppig ele, ag kayak hambuppuak binag metteb amu, ⌊ahilag kayak amu⌋ ag butti aɗi, aɗi bekkunu daatte appeg dootu! Ag amu hekkulagnu ag laippu daan mattieg! Aun nug anukka kobol bekkun daattenu mattiom. Ao, aun nug anukkanab uug imu bekkunu aum? Am da, da Yawe, da amu iite hemi? Kayak laa ii daatte. Da Kayak, da genab tutukku hak kobol aakkuib hettem. Da eheɗ laa ii hettem. Da danab ah ehanatti padal ii metteb. Kayak laal ii daatte.

Aisaia 58:10

ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.

Amos 8:9

Amu Naɗi Yawe Nug inam atte. “Haen amuppa da heppi, aam anig amu, aam nokku; aam anig gatatu na, wan tonakku.