Sekaraia 14:21 - Nobonob Baibel

²¹ Amge amuib iitta. Waa oh, Jerusalem appa, Juda wan ohppa ele, waa amu oh am Yawe Nukka Ɠagattag Oh Ele, nuhig daaglag; ag Yawenu tituanak daaglag. Amu aun nug Jerusalem appa mana mettak hekkunu Jerusalem tekku amu, nug waa amu laa awa, amuppa doɗ laa mana, Yawe medakkunu teppu laih nug battia lakkunu daatte amu, nug waa amuppa badikku. Aria, haen amuppa laa nug genab tutukku hak danab iitta, nug Yawe Nukka Ɠagattag Oh Ele laugppa ii wama.

Sekaraia 14:21 Referans Kwoze

Esekiel 44:9

Amu Naɗi Yawe Nug inam atte. “Wan laihnu danab, ag oolag babaittak iitta, beɗulag gaɗa otaɗak iitta ele amu, amunu laa nug dahil mettid lag ooppa iinab tema. Ge, wan laihnu danab, ag ag Israel oolagppa daatteb ele, ag oolag babaittak iitta, beɗulag gaɗa otaɗak iitta ele amu, ag ele, ag iinab temana.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Joel 3:17

Yawe Nug atte. “Da anam heppi, ag Israel, ag da am Yawe, ahilag Kayak, da Sion appa daattem dooglag. Sion am qauko dahilnu tituanak daatte. Da appa daappi, Jerusalem am ele dahilnu tituanak daakku. Wan laihnu danab ag baula banelag iinab uɗimna. Iitta.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

Sekaraia 14:20

Am haen amuppa danab ag aen ɗo naunau hos baalagppa aihadtteb ele, ag amu qaɗeppa, “Keeke imuam Yawenu, am nuhignu tituanak daatte,” yaaglag. Amu Yawe laugppa tappiɗ brasppa hak, mana mettak danab ag doɗ tiig amuppa aon gona, qaɗab tauɗ qedatteb, tappiɗ amuam Yawenu tituanak daatteb amu, Yawe laugppan ee haknu waa ag ele anamib Yawenu tituanak daaglag.

Sekaraia 7:6

Ge, haen ag ee, le ele lappig, ⌊haen amuppa ele ag genab dahilnu dabmena heppigte?⌋ Ag oo hak ahilag dabmen iite heppig?” Yawe Nug nai amu da meɗom.

Hosea 12:7

Ag Israel ag amu hekkulagoitte, amge keeke laihnu awa, daden maknu danab laa ag hambuppuna, ag skel melemel elele iitta ele, ag amuppa uɗat hena, danab ah dilag keeke yab kobol amuppa aotteb; ag kobol amunu oolag okkai daatte. ⌊Amu ag Israel, ag danab amubia daatteb.⌋

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Aisaia 4:3

Amu inam bekku. Danab ah Sion daatteb, aun aɗi ag Jerusalem daatteb, Yawe Nug ag bau daaglagnu tituanattom amu, danab ah laa ag ahilagnu, “Ag am Yawenu oppiaawak ele daatteb,” aon akkulag.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Esekiel 45:1

Aria, Yawe Nug anam awowa, Nug nai tuɗitta aum. “Ag Israel ag wan Israel dilag huu okkai anen anen ag aulag daakkunu tituanna mattaglag amu, haen amuppa ag wan amunu maha laa dahilnu tituanak daatte, ⌊wan maha amuam wan maha okkai,⌋ ag wan maha amu da Yawe, dahil daakkunu otiglag. Wan maha amu oh, amuam dahilnu tituanak daakku. Wan amunu okkai am inam: elab nuhig am 12 kilomita maha ele, emaitak nuhig am 10 kilomita. Aben amu ohnab am dahilnu tituanak daakku.

Sepanaia 1:11

Keeke laihnu awa dadennu mak danab ag oh mauhkkulag. Ge, keeke laihnu awa dadennu mak danab ag silwappa ahilag uɗat hetteb amu, ag oh nauhkkulag. Anam amunu, ag laa, ag maket guguittak daatteb, ag oh huan gayeg!