Sekaraia 14:16 - Nobonob Baibel

¹⁶ Aria, anam ba ukkeb, wanppan wan laala dilag kekeɗ, ag Jerusalem banelag uɗippig, amu laa ag oɗe amuppa ii mauhkkulag amu, ag eɗun, maɗ anen anen Yawe Nukka Ɠagattag Oh Ele, Nug am king, ag Nug noobppa dup nona binag mekkulagnu, ag Pehppa Dayaknu Hobul gamag ahak ele hekkulagnu Jerusalem tekkulag.

Sekaraia 14:16 Referans Kwoze

Aisaia 66:23

Am inam bekku. Kalam baunu qagmak gamag ahak ele anen anen ohppa, amu Sabat deɗ anen anen ohppa amu, danab ah wanppanu wan ohppanu ag uɗin, da noolppa dup nokkulag.

Joel 2:32

Anam amge aun laa nug Yawe onigppa eeb amu, Yawe Nug ehanitteb, nug padal ii mema. Am aɗinu anam bekku? Yawe aumbia, qauko Sion, am Jerusalem appa ele, oɗo yaak danab daaglag. Ao, oɗo yaak danab oolagppa laa, Yawe onilagppa eum ele, ag daaglag.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Rom 11:26

Kobol anamppa Kayak Nug Israel oh eɗua diikku. Amu Kayak naippa, Kayaknu nai laa daatte bia. Nai amuam inam. “Ehanittak laa Sionnu uɗia, Kayaknu, nuhig haknu ele uuak kobol Jakop toppanu amu, Nug aokku.

Rom 11:16

Bret maha nakok laa tatamnu Kayak medappeg, amu nuhig daatte dayeb amu, bret kunum oh am Kayaknu ele daatte. Ad laa diɗilkad Kayaknu daatte dayeb amu, ad eppekkud oh amu Kayaknu ele daatteb. ⌊Amubia Abraham, Aisak amu Jakop ele ag oolagppa genab doona, Kayaknu danab oppiaawak ele daappig amunu, ag buɗulkad ele anam daaglag.⌋

Rom 11:5

Amu bianab haen imuppa ele Israel oolagppan ameg laa Kayak Nug ag ehanittak okkai hamu madatta tituanattom.

Jon 7:2

Aria Juda dilag Pehppa Dayaknu Hobulnu haen miag do,

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Luk 19:38

Ag Kayak binag human, baalag okkai enan appig. “King nug Naɗi onigppa uɗitte amu, ig Naɗi Nug itidkkunu oonig daatte. Nuhigppa Kayak Nug ig danab, ihinignu oo ena daatte. Ig Kayak Ebehi Ele, Nug binag attannab humatu.”

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Sekaraia 9:7

Da heppi, ag doɗ teppu, tiig ele baula ii lamana. Ao, ag ee laala ele, ag lamananu nai anak daatte amu, ag amu baula ii lamana,” awa atte. Keeke amu beeb, Pilistia danab ah oɗo yaak daaglag amu, ag Kayak noobppa dup nona binag mekkulag. Ag anam hebeppeg, Kayak Nug heeb, ag Juda oolagppa aab ikki laa bia daaglag. Am Pilistia danab Ekron daatteb, ag Jebus danab anukkanab heppig bia Juda ele laippu daaglag.

Hosea 12:9

Yawe atte. “Da am Yawe, da ag Israel, da ahilag Kayak. Da ag Isipnu diien, omalatti beppig, amge da geha heppi, ag eɗun, anukka ag daadppig bia, ag pehppa baula daaglag.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Jeremaia 48:15

⌊Ag anam aib appig. Aɗinu?⌋ Kekeɗ ag uɗin heppeg, Moap nauhak daakku. Kekeɗ ag uɗin, Moap dilag aabppa gona, aab aona, ag Moap dilag nid danab bau ena ena daatteb amu, ag aqappeg mauhkkulag.” King naɗi, Nug onig am Yawe Nukka Ɠagattag Oh Ele, Nug anam awa atte.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Esra 3:4

Ag amu hewona, ɗo naippa yaak niitte bia ag gamag ahak ele Pehppa Dayaknu Hobul heppig. Ag amu henana, ag ɗoppa yaak niitte bia, ag manaknu ofa ebqak eleleppa, deɗ deɗppa hena, Yawe medappig.

2 Stori 8:13

Moses nug king doɗ gane Sabat deɗ anen anenppa, kalam bau betteppa, Bret Yis Iitta Lanaknu Hobul Nakokppa, Ee Tatam Oɗue Digma Awaknu Hobulppa, Pehppa Dayaknu Hobulppa ele manatta, Yawe medakkunu haknunab aum amu, Solomon nug amubiaib aakku heum.

Sam 66:4

Wanppan danab ah oh ag na noomppa gatelag qaun ona, dup nona daatteb. Ag ahi ettanna, na binan humatteb. Yo, ag ahi ettanna, na binan humatteb.” Ag Nug amegppa anam aig! Sila.

Aisaia 18:7

Haen amuppa wan laappan danab ah, ag danab ah elab elab; ag beɗulag anttaknu am ena, qa oppiaawaknab, danab wan amuppanu ag am ban danab nau, laa ohbia ag ag baɗadtteb, wan amuam wan ɠagattag, wan amuppan ban danab ag wan laa eɗadtteb, ahilag wanppa amu, le kuɗum wan oppatatte, obatak obatak daatte, amu danab ah huu wan amuppan ag geha keeke ɗo mettak ena amu Sion qaukoppa aon uɗin, Yawe Nukka Ɠagattag Oh Ele, Nug aguppa daatte, ag keeke amu nuhig daakkunu, hamu mettaglag. Ag geha keeke amu aon uɗin, aben laa, aben amuppa Yawe Nukka Ɠagattag Oh Ele, Nug onig aben amuppa daatte amu, ag aben amuppa keeke amu Nug mettaglag.

Aisaia 19:21

Am Yawe Nug geha heeb, Isip ag Yawe Nugib am Kayak dooglag. Isip danab ah ag Nug am Yawe doyona, haen amuppa ag Nug noobppa dup nona binag menana, ag doɗ, ee aegnu ofa ele aon main, Nug mettaglag. Ag amu henana, ag keeke laala genabnab hekkulagnu nai anan qakkaglag amu, ag amuib hekkulag.

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Sekaraia 14:9

Amu Yawe Nug wan atu oh dilag king daakku. Haen amuppa amu, Yawe Nugib danab ah oh dilag dabmakppa Kayak daakku. Danab ah oh ag Nug noobppa dup nona binag mekkulag.