Sekaraia 14:12 - Nobonob Baibel

¹² Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.

Sekaraia 14:12 Referans Kwoze

Sekaraia 12:9

Amu Yawe Nug inam awa atte. “Haen amuppa am inam daakku. Wan laala ag Jerusalem banelag uɗiglag amu, da hadappi, iitta mekkulag.

Sekaraia 14:3

Kekeɗ ag amu hekkulag, amge Yawe Nug aha ukkeb, nug wan amu, ahilkad daup ele ban hekkulag; Nug bannu deɗppa banppa dayaya, ban hette, Nug anam bia ag ele ban hekkulag.

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

2 Stori 21:15

Nahipnu amu, oɗe nau na biit ooppa beeb, na mauhkkut, amge na paha ii mauhmana. Iitta! Na oɗe nau amu ele daappe ukkeb ukkeb, na biit ooppa nauha autanab aweb, na biit keha, miag beeb, na mauhkkut.’ ” Jehoram nug Elaianu nai amu pasppa awom.

Duteronomi 28:59

Yawe Nug ahilagppa, amu ag buɗulkadppa ele, Nug ahilagppa oɗe naunab nau digdig danab ah huanak aqe mauhtteb, uug naunab digdig, haen elab daatteb, amu aria, oɗe laala ele, laa heeb, iitta maknu elele iitta, Nug amu ahilagppa meeb nekku.

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:24

da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul

Lewitikas 26:21

Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:16

da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag.

Revelesen 17:16

Am na qeqeɗi eblaih laih ele anidme amu, ag oh amu doɗ dakkuɗ ele ag ib baag ahnu oolagppa nau ninig ele dooglag. Ag anam doonna, ag nug heppeg nauhkku. Lamen nuhig oh uɗidppeg, nug beɗu miag daakku. Ag nug teppu lakkulag. Nug beɗu laa oh, amuam ebehi keeke, ag amu aab aɗuppa maippeg eokku.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Lewitikas 26:18

Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul.

Duteronomi 28:21

Yawe Nug oɗe nau digdig ahilagppa heeb beeb, laippu laa nug wan ag gemu nona aon daaglagnu daatteb, laippu laa amuppa bau ii daama.

Job 18:13

Oɗe naunab nug qe, nug gaɗa nauhtte; nug eppeg, baeg ele beɗatteb.

Sekaraia 14:15

Oɗe nau danab kuɗum aqe mauhtteb ele amu, oɗe amuam hos, miul, kamel, donki, doɗ laala ele, kekeɗ diin uɗin, haen tutu dayak aab kaladna daaeg, doɗ amu ele oh appa daatteb ele amu, oɗe amuam doɗ amu oh ele aqadkku.

Sekaraia 14:18

Isip danab ah ag Pehppa Dayaknu Hobul gamag ahak ele hekkulagnu uun ii gokkulag dayeb amu, Yawe Nug wanppan wan laala danab ah ag Peh Dayaknu Hobul gamag ahak ele hekkulagnu uun, Jerusalem ii teppeg, ag bu madakku amu, Nug bu amuib, ⌊am gu appa ii nema,⌋ nug bu amu Isip ele madakku.

Sekaraia 1:15

amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Sekaraia 2:4

engel da ele nai mattimuɗ nug engel laa amegppa aum. “Na paha gona, nid bau melemel doyaknu muɗi aɗatte amu, na nug amegppa inam appe doyaɗ! Deɗ laa dimppa danab ah huanak, doɗ manan ele Jerusalem appa daaglag. Ag kuɗumnab Jerusalem daaglagnu henana, ag oh aab ooppa daaglagnu elele iitta amunu, kuɗum ag aabnu aɗ dimittim daaglag.