Sekaraia 14:1 - Nobonob Baibel

¹ Yawenu deɗ naɗi aakku uɗitte. Deɗ amuppa kekeɗ ag uɗippeg, Israel ag neegna daappeg, kekeɗ ag keeke ahilkad akkan gokkulag.

Sekaraia 14:1 Referans Kwoze

Aisaia 13:9

Antteg! Yawenu deɗ naɗi aakku uɗitte. Deɗ amuam deɗ naunab nau laa. Deɗ amuppa Yawenu oppoɗi bak, nuhig oo nauhak huanaknab ele am geha miag beeb anidkkulag. Deɗ amuam wan atu oh am hele-ettak daaglagnu, hipunin danab am heeb iitta mekkulagnu uɗitte.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.

Aposel 2:20

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Naɗi, dahilnu deɗ naɗi, enanagnab ele amu, haen deɗ amu ii nak, nekkunu daakku, haen amuppa keeke amu oh bekkulag,’ awa aum. ⌊Naɗi Nug anam awa a, Joel nug yom. Amu Joel nug ele Naɗinu nai laa imu yom.⌋

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Aisaia 13:6

⌊O Babilon danab ah,⌋ ag huan gayeg! Aɗinu? Yawenu deɗ naɗi miag doum. Deɗ amuppa amu Laa Nukka Ɠagattag Oh Ele Nug geha keeke kuɗum heeb nauhkkulag.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Joel 3:14

Danab huanaknab, ao, danab huanaknab ag aben oolnu noak onig, “Yawe Nug Danab Ah Epeɗiadkku,” ag appa ana daatteb. Aɗinu ag appa daatteb? Aben amuppa, onig am Yawe Nug Danab Ah Epeɗiadkku amu, Yawenu deɗ naɗi paha miag dotte.

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Joel 2:1

⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Sekaraia 14:14

Ag anam heppeg, Jerusalem danabib iitta, Juda danab ag ele Jerusalem ena daakkunu ban hekkulag. Ag anam hena, ag kekeɗ eɗadna, ag wan oh Juda talilidna daatteb ele, ahilkad daup, ag banelag uɗippig, ag amu dilag en aoglag. En amuam gol, silwa, lamen ele. En amuam en okkainab daakku.

Sepanaia 1:7

Ag Naɗi Yawe noobppa toettan dayeg! Aɗinu? Yawenu deɗ naɗi miag uɗiom daatte. Laa amu, danab nug mana mettak hewowa, doɗ amu teppu nuhignu daatteppa hobul hekkunu bappaidtte, amubia Yawe Nug hobul babaittom. Nug he, laa hobul amuppa daaglagnu ag nuhikkud daaglagnu tituanattak daatteb.