Sekaraia 12:8 - Nobonob Baibel

⁸ Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Sekaraia 12:8 Referans Kwoze

Sekaraia 9:8

Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Maika 7:16

Yawe Nug wanppanu wan ohppan danab hatteb, ahilag ɠagattag iitta meeb, ag Yawenu hak ɠagattag ele anidna, ag uɗa nak nau dooglag. Ag nai baula mattimnanu ag oɗelkad qamutna, ag dabmak huanak aoglag.

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Joel 3:10

Ag wan buuaknu aen aon, ag hamappa qeppeg, qep elab baɗ! Ao, ag ad eppeg babaittaknu aen amu, ag aen amu aon, hamappa qeppeg, ban gudkkud baɗ! Ag keeke anam bapaidppeg, ag oolagppa danab aun nug ban hekkunu gai-iitta, nug, ‘Da am ban danab ɠagattag elede,’ a!

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.

Revelesen 22:13

Jesus anam awowa, Nug aum. “Da haen oh daattem; da tatam daami, da hanhan daakkul. Anuqakppa, gog takppa ele da daattem. Digmakppa, batakppa ele da daattem.

Hibru 11:34

Amu ag heeg, aab nau qauhppig. Ag qep elab aqamanu dekkaɗppig. Ag gai-iitta daappig, amge dimppa ag ɠagattag aoppig. Ag ban danab ɠagattag bena amu, ag aab laalappanu ban daup lamatteg goppig.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Hosea 12:3

Jakop nug ii menuak dayeye, nug awag ele nug mehqepiɗ. Amu nug danab okkai me, nug Kayak ele nug mehqepiɗ.

Jeremaia 27:10

Aɗinu? Danab amu ag dimppa aɗi bekkunu nai hambuppuak aakku maditteb amunu, ag ahilag nai doon, dabmekkulag dayeb, uug naunab ahilagppa beeb, ag ahilkad wanppa baula eɗun ii daamna. Da heppi, ag wan laappa gona daanna, mauhkkulag.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 30:26

Qinob, haen amuppa Yawe Nug nuhikkud danab ah Nug eppegppa guittak aoppig ele oh ihilag ita heeb, ihilag oh qaɗaiedakku. Nug anam heebeb, kalamnu amahlak, am aamnu amahlak bia dayebeb, aamnu amahlak gemu amahlak laippu daatte, haen amuppa nuhig amahlak am amahlak eblaih aɗit bia daakku. Deɗ eblaih aɗitnu amahlak deɗ laippuppa haen amuppa daakku.

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

Eksodas 14:19

Kayak Nug anam a amu, engel nuhig nug Israel daup noolagppa anuqa ukkom ele, nug eɗua uɗia, dimulagppa dayom. Am lombig attan tak, am ele noolagppa anuqa dayom amu, amu ele eɗua ukka, dimulagppa dayom.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Lewitikas 26:8

Geha ag tanig ele amu, ag kekeɗ 100 lamadkkulag! Ag 100 amu, ag kekeɗ 10 tausen lamadkkulag! Ag geha qep elabppa kekeɗ aqadkkulag.

Josua 23:10

Yawe, ahilag Kayak, Nug ag ehanadtte. Nug ahilagnu anam hekkunu nai ana qakkom amunu, ag anen anen kekeɗ 1,000 lamadtteb.

Sam 8:5

⌊Amunu diig am inam.⌋ Na hab daup nakokib anuqak hattame; danab ah ag ag nakokib waappa daatteb. Na binag amahlak oppiaawak ele, aria dagom onig ɠagattag ele ag mattame.

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.

Aisaia 33:24

Haen amuppa danab ah Sion daatteb, ag oolagppanu laa nug, “Da oɗe ele,” ii ama. Danab ah appa daatteb ele amu, Yawe Nug ahilag hipunin uhuqa madakku.

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.