Sekaraia 12:5 - Nobonob Baibel

⁵ Am haen amuppa Judanu aab ikki anen anen ag akka akka inam akkulag. “Jerusalem danab ah ag Yawe Nukka Ɠagattag Oh Ele, ahilag Kayak, ag nuhigppa ɠagattag aon ɠagattag daatteb,” aon akkulag.

Sekaraia 12:5 Referans Kwoze

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Sam 18:32

Kayak Nug ɠagattag meɗatte. Ao, Nug he, dahil ib am, qa oppiaawak daatte.

Sam 144:1

Yawe Nug am kekeɗ niɗamnanu ehanittak dahil daatte. Da Nug humidttem. Nugib ban haknu doyak awaknu ippuniɗtte. Ao, Nugib ban haknu doyak da meɗatte.

Sam 18:39

Na da dahil kekeɗ ele ban hekkunignu ɠagattag meɗame. Ao, na da ehaniɗe, da dahil kekeɗ eɗatti, ag da noolppa dup noppig.

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Sekaraia 12:6

Amu Yawe Nug atte. “Deɗ amuppa da heppi, Judanu aab ikki ag waa ooppa aab nakok ewa ukka ukka, aab ameg qagmak eotte, o hul laa ewawa ukka, ee aeg gumu kuɗum ehagna qagmeppig eotte, ag amubia daaglag. Judanu aab ikkinu danab ag wan laala Juda wan talilittak daatteb eɗadna autna aoglag, amu Jerusalem am nuhig abenppa, appa ena, ɠagattag daakku,” awa atte.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Aisaia 60:17

Da heppi, danab ag keeke onig brans aon uɗin, ii mattamna. Iitta. Ag gol aon uɗin mattaglag. Da heppi, danab ag aen aon uɗin, ii mattamna. Iitta. Ag silwa aon uɗin mattaglag. Da heppi, danab ag ad aon uɗin, ii mattamna. Iitta. Ag brans aon uɗin mattaglag. Da heppi, danab ag men aon uɗin, ii mattamna. Iitta. Ag aen aon uɗin mattaglag. Da heppi, maɗoɗ kobol ag Juda, ahilag gawana daakku. Ao, da heppi, genab tutukku hak kobol am ahilag okkai daakku.

Aisaia 32:1

Antteg! Qinob king laa nug kobol genab tutukku dim lamittatta, danab ah gumadkku. Ao, danab ah dilag okkai ag nai doya mala hettoɗia epeɗia elele mettak kobol dim lamidnana, ag danab ah gumadkkulag.

Aisaia 29:10

Aɗinu? ⌊Ag doonna, Yawe oɗe ii dim lamidtteb amunu,⌋ Yawe Nug he, ag niin gad metteb. Nug he, ag propet danab ag amelag gaɗuom. Ao, Nug he, ag propet danab, ag amelag hautak daatteb.

Aisaia 1:26

Da geha Israel danab ah dilagppa da epeɗiak danab bau, ahilag hak tutukku ele anukka daappig bia madappi, ahilkad epeɗiak danab daaglag. Da ahilkad ulum mettak danab ele digmakppa daappig, amubia heppi bekkulag. Da anam heppi, amu geha laa ag Jerusalem, nahipnu inam akkulag. ‘Aab okkai amuam Kayaknu oo metta ii uuak kobol dim lamittaknu aab okkai,’ amu ‘Nai doya mala hettoɗia epeɗia elele mettaknu aab okkai’ ele aon akkulag.” Kayak Nug anam atte.

Aisaia 1:23

Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Ikki Danab 5:9

Da Israel dilag ikki danab dilagnu amu, da ahilagnu enanag doottem. Ao, da aun aɗi ag ena hena, ikki danab amu dim lamadtteb amu, da ahilagnu enanag doottem. Hepput, Yawe binag attan dayaɗ!

Sekaraia 12:4

Deɗ amuppa da heppi, bannu hos oh ag eheɗnab baɗappeg, daup hos attan oinna ban hetteb amu, ag oh dabmak ahilag eɗatteb, ag kaaka daaglag. Ge, da Juda danab ah neekkatten atognoadkkul, amge da heppi, Juda dilag kekeɗ, ahilkad hos oh ag amelag gaɗuak daakku.” Yawe Nug anam awa atte.

Sekaraia 14:14

Ag anam heppeg, Jerusalem danabib iitta, Juda danab ag ele Jerusalem ena daakkunu ban hekkulag. Ag anam hena, ag kekeɗ eɗadna, ag wan oh Juda talilidna daatteb ele, ahilkad daup, ag banelag uɗippig, ag amu dilag en aoglag. En amuam gol, silwa, lamen ele. En amuam en okkainab daakku.

Aisaia 28:5

Amu haen amuppa amu, Israel danab ah oɗo yaak daaglag. Daanna oippeppeg, Yawe Nukka Ɠagattag Oh Ele, Nug king haɗ enanagnab bia ahilagnu dayaya, ahilag king daakku.

Aisaia 45:24

‘Yawe Nugib genab tutukku hak kobol diig daatte. Nugib am ɠagattag ele,’ ” aon akkulag. Amu laa oh ag Yawenu oo nauhak okkai dootteb, ag amu uɗalag nekku.