Sekaraia 12:11 - Nobonob Baibel

¹¹ Anukka Megido uɗemppa, Hadatrimon appa Juda danab ah gayak naɗi, okkai heppig; amu deɗ amuppa danab ah Jerusalem appa ag amubia gaaglag.

Sekaraia 12:11 Referans Kwoze

2 Stori 35:24

Nug anam a, ag ban haknu karis amuppanu aon, nuhig karis laappa mena, aon Jerusalem ukkaeg, appa nug mauhom. Nug mauhe, ag nug mamekkud aɗi boumadppigppa nug boumppig. Amu Juda danab ah oh, laa Jerusalemnu, laa Juda wanppa laih laihnu amu, ag nug mahidppig.

2 King 23:29

Haen Josaia nug king dayeye, Isip dilag king Neko, nug Isip ban danab diie, Yupretis leppa Asiria dilag king ehanadkkulagnu goppig. King Neko anam he ukkaegeg, Josaia nug amunu nai doya aha, nuhikkud ban danab diie gona, Isip dilag king ele ban hekkulagnu ag uɗalag tekkulagnu goppig. Ag Megido aabppa ban hena, Isip ag Josaia qeeg mauhom.

Matyu 24:30

Haen amuppa amu Danab Bekkalag da, dahil epponak keeke habppa bekku. Beeb amu wanppanu danab ah oh gaaglag. Gaappeg, Danab Bekkalag da, da lombig hab waappa daatteb, da lombig amuppa ɠagattag okkai, binag amahlak oppiaawak ele uɗippi aniɗkkulag.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Sekaraia 12:12

Israel danab oh aab ikki anen anen daan, ag oh oo doyak naɗinab doon, ag gaaglag. Aab ikki laanu danab, ag danabib daanna, gaaglag. Danab amu waalkad, ag piɗe akka daanna, gaaglag. Dawitnu aab ikki danab ag piɗe laa daanna gaappeg, ahilkad ah ag piɗe akka daanna gaaglag. Natannu aab ikki danab ag piɗe akka daanna gaappeg, ahilkad ah ag piɗe akka daanna gaaglag.

2 Stori 35:22

Isip dilag king Neko nug nai amu Kayak oɗeppa awa, Josaia amegppa aum, amge Josaia nug am dookkunu uua, nug Neko, nuhikkud daup ele, uɗem naɗi onig Megido, appa ban hekkulagnu nuhikkud daup ele goppig. Nug ban amu hekkunu dabmak amu awa aɗa, nug eɗua, Jerusalem ukkaknu uua, Neko aɗi ele ban hekkulagnu ukka, Neko aɗi ag am king aakku daatte anidmananu nug lamen laa, kingnu iitta, takka, ban hekkunu ukkom.