Sekaraia 11:14 - Nobonob Baibel

¹⁴ Da anam hewoya, da Juda danab ah, Israel danab ah ele ag layam batak ii daappig ippunadkkulnu, da dudqak hokkat onig Laippu Dayak ele qiimi.

Sekaraia 11:14 Referans Kwoze

Aisaia 9:21

Manase buɗub ag ahan, Epraim buɗub tappadppeg nokkulagnu hebeppeg, Epraim buɗub ag ahan Manase buɗub tappadppeg nokkulagnu hekkulag. Amu aa oh anam heyaya, aa oh ahai, Juda tabapeɗ nokkunu hekkulah. Anam, amge amuppa Yawe Nug nuhig oo nauhak amu iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Jems 3:16

Am danab laa ag laa dilagnu amelag qe oolag elele ii daatte, amu laa ag akka akka ahilagnuib dabmak okkai aotteb, danab amu ag adeppa daatteb amu, appa danab ah ag daqaqa ii daatteb; ag kobol eheɗ digdig oh hetteb.

Jems 3:14

Amge laa dilagnu amelag qe oolag elele ii dayak kobol ninig ele ag oolkadppa daatte dayeb, amu akka akka ahilagnuib dabmak awak kobol ag oolkadppa ele daatte dayeb amu, nau amu tonattepnu ag dada mattiak, nai hambuppuak ele aib madippig.

Galesia 5:15

Amge ag oolagppa akka akka naippa nug qemananu, ag nug emalak hemananu amu dabmeig! Ag anam hekkulag am ag oh padal mekkulag!

Matyu 24:10

Am haen amuppa danab ah kuɗum ag dahilnu oolagppa genab doyak ele, ag amu uun, da dimeɗan, akka akka nug dimug mekkulag.

Sekaraia 11:9

Anam daye, da ag amelagppa ami. “Da baula ahilag gumak danab ii daapa. Ag mauhkkulag dayeb, ag mauhkkulag! Laa ag ag aqadppeg mauhkkulag dayeb amu, ag aqadppeg mauhkkulag! Aria, laa ii mauhkkulag amu, ag akka akka nug laig!” awe ami.

Sekaraia 11:7

Yawe Nug anam aum amunu, da Sekaraia, da sipsip ameg laa, danab ag baalag otaɗadna meppeg, laa daden mena lakkulagnu tituanak daappig amu, da sipsip amu dilag gumak danab daami. Da sipsip laa ag eheɗ nau aoppig ele atognoatte aute aomi. Da dudqak hokkat aɗit awen, da laa onig Ehanidkkulnu Ool Daatte ataɗen, laa da onig Laippu Dayak ataɗmi.

Aisaia 11:13

Israel huu ag Juda dilagnu, ihinigppa anam daalon dabmak iinab aɗan daamna, amu Juda ⌊ag Israel⌋ aqaglagnu dab-ii-memana. Ao, Israel huu ag Juda dilagnu, ihinigppa anam daalon dabmak ii aɗan daamna, amu Juda huu, ag Israel dilagnu, “Ag ihinig kekeɗ daatteb,” ii doomna. Iitta.

Sekaraia 11:6

Anam amunu, danab amu ag oo doyak kobol dim ii lamidtteb, amubia da Yawe, da Israel danab ah dilagnu, ⌊ag hipunin henan oitteb amu, da ahilagnu⌋ oo gai-iitta doya oo metta ehanittak kobol tuɗitten ii hepa. Da heppi, danab ah oh ag ahilag mudippan laippu, ahilag king ele eppelagppa daaglag. Ag akka anam nug guittak medappeppeg, da ehanadppi, ii iitta mema.” Yawe Nug anam awa aum.

Esekiel 37:22

Da anam heine, da heppi, ag huu laippu, wan laippuppa, amuam Israel wan, ag aguppa daaglag. Ag amuppa daappeg, ahilag king laippu ag atognoattebeb, ag baula huu aɗit ii daamna. Ag baula wan aɗit iitta; laippuib.

Mak 3:24

Ɗo maɗoɗ laippuppan danab ag ahan oppatna, ameg aɗit bena, nug qekkulag amu, wan amu nug ena ii daama.