Sekaraia 11:12 - Nobonob Baibel

¹² Aria, da anam hewoya, da ⌊Israel danab laa, da ahilag sipsip gumak danab bia daami amu,⌋ da ag amelagppa ami. “Ag oolag heeb, ag dahil nob, uɗat dahil ganenu meɗaglag. Iitta dayeb amu, ag aib meɗappig,” ami. Da anam ai, ag silwa men doɗo 30 ebqena meɗappig.

Sekaraia 11:12 Referans Kwoze

Matyu 26:15

Nug ukka oɗ meum. “Da Jesus ag eppelagppa meppi amu, ag aɗi meɗaglag,” awa oɗ meum. Nug anam a amu ag silwa men doɗo 30 mettaglagnu ebqeppig.

Eksodas 21:32

Amu makau dawai nug begbeg maɗi nid, o begbeg maɗi ah yeeb mauhkku dayeb amu, aria makau mameg nug 300 gram silwa begbeg maɗi nidnu okkai metteb, aria ag makau am menppa qeppeg mauhaɗ!

Genesis 37:28

Ag nai anam qakkaeg, Ismael buɗub ag keeke laihnu awa dadennu mak danab amu, ag uɗieg, Josep awakkud ag Josep humaeg be, Ismael buɗub mattaeg, ag 200 gram silwa madappig. Anam daden mewona, ag aon Isip goppig.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

1 King 21:2

amu, Ahap nug Nabot amegppa inam aum. “Nahip grep dad am dahil lag enanagnab guguittak daatte amunu, na dad amu da meɗakkutnu ool daatte. Meɗappe amu, da amuppa keh ebakkul. Na dad amu meɗakkut dayeb, na meɗappe, am da geha dad laa grep dad nahip amu eɗittak laa na medakkul. O iitta, men doɗo na medakkulnu oot dayeb appe amu, da dad amu daden nob men doɗo amu elele na medakkul,” awa aum.

2 Stori 30:4

Ag maittak amu aoppig amu, King Hesekaia, danab ah oh appa daappig ele, ag oh maittak amunu, “Am maittak tutukku,” dooppig.

Matyu 27:9

Amuppa amu, anukka propet Jeremaia nai laa mattiom, nai amu elele mettom. Nug aum. “Israel ag silwa men doɗo 30ppa nug daden mekkulagnu nai qagappig amu, ag silwa men doɗo 30 amu aon,

Matyu 27:10

waa keeke hak danabnu wan laa daden meppig, Naɗi Nug da amelppa aumbia.”

Genesis 23:16

Awa a, Abraham nug nai amu doya, nug 4.5 kilogram silwa Epron aum bia, amu Hit danab noolagppa elele metta, Epron mettom. Keeke laihnu awa dadennu mak danab ag silwa men doɗo amunu, nuhig noob gane doon, maɗi ahilag heppig amu, Abraham amu dim lamitta heum.

1 King 5:6

Anam amunu, na da ehaniɗkkutnu na oɗ medattem. Nahipad uɗat nid, Saidonnu amu, ag na appe, ag Lebanonnu qaukoppa gona, ad sida oadppeg, da lag amu hekkulnu ool daatte. Dahilad danab ag nahipad ehanadkkulagnuib heppi gokkulag. Amu da nahipad uɗat nid uɗat nob men doɗo gane ag madakkulnu appe amu, da anam madakkul. Aɗinu? Na doottem bia, Saidon danab ag am ad wattaknu doyak okkai, laa eɗattak ele.” Solomon nug nai anam me ukkom.

Jeremaia 32:9

da wan maha amu daden mein, da amal Hanamel eppegppanu aomi. Wan amuam Anatot guguittak daatte. Da 200 gram silwa awen, wan amu daden mekkulnu Hanamel mettami.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Lewitikas 27:4

Am ah laa nug maɗ nuhig 20, ukka maɗ 60 ele gamagmag anam ele dayeb amu, ag 300 gram silwa meɗaglagnu daatte.