Sekaraia 1:6 - Nobonob Baibel

⁶ amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Sekaraia 1:6 Referans Kwoze

Gayak Nai 2:17

Yawe Nug aɗi keeke hekkunu maittak awa dayom amu, Nug aakku heum; Nug anukka aɗi keeke hekkunu ɗo nai aum amu, Nug he, nai amu meu oum. Nug oo gai-iitta doya oo metta ehanittak kobol ii dabmaama he, kekeɗ ag heeg, ag Juda, ag padal meppig. Ao, Nug he, ag Juda, ag nena qeppig amu, ahilkad kekeɗ ag amunu gamag ahak nau okkainab dooppig; Nug he, ahilkad kekeɗ ag ɠagattagnab daan oitteb.

Duteronomi 28:15

Moses anam ana amu, nug nai tuɗitta mattiom. ⌊Amu ag Yawe, ag Nug dim lamidppeg amu, Nug ag ena itadkku,⌋ amge Yawe, ahilag Kayak, ag Nug oɗe doyaknu uuna, ag haknunab anak nai, amu ɗo nuhig ele gemu da ag madattem imu, ag amu dimettaglag amu, eheɗ laa awaknu anak waappa dayaknu nai imu oh ahilagppa uɗikku.

Matyu 24:35

Hab wan ele am iitta mekkulah, amge nai dahil am iitta iinab mema.

Jeremaia 23:20

Yawenu oo nauhak am anamib dayebeb ukkeb, Yawe Nug nuhig dabmakppa aɗi aɗi hekkunu dabmette, Nug ooppa aɗi bekkunu maittak awom daatte, keeke amu oh ba maleb, oppoɗi bak amu iitta mekku. ⌊Amu Yawe atte⌋ “Butti haen adekku ag imunu diignu doyak tutukku aɗaglag.

Amos 9:10

Dahilad danab ah oolagppa aun aɗi ag hipunin danab ah daatteb ele, ag qep elabppa mauhkkulag. Ao, ag danab ah oh ag, ‘Uug ihinigppa ii bema. Ig uug laa uɗa ii temata,’ atteb amu, ag oh qep elabppa mauhkkulag,” awa atte.

Jeremaia 44:28

Laib laibib ag qep elabppa ii mauhna, eɗun Juda wanppa gokkulag. Anam beeb, Juda danab ah oɗo yaak daan, uɗin Isip wanppa oitteb ele, ag ahilag nai am ɠagattag daakku, o dahil nai am ɠagattag daakku, ag amu dooglag,” awa atte.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

1 Tesalonaika 5:4

Amge ig lainkad, ag doyak amunu gatatuppa ii oitteb amunu, deɗ amu yabhok danab bia ahilagppa ii bema.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Hosea 9:15

Yawe atte. “Israel dilagnu amu, ag Gilgal appa hak nau huanak heppig amunu, appa da digmein, ahilagnu oolppa uuaknab doomi. Ge, da geha ag, ahilag hipunin amunu, da laulppanu lamadppi ahaglag. Da geha ahilagnu tuɗitten, ool ii hema; ikki danab ahilkad oh ag am nai tappe nak danab.

Esekiel 37:11

Aria, ebehilkad oh ag anam bau bena daaegeg, Yawe da amelppa aum. “Danab bekka, Israel danab ah ag am ebehilkad imubia daatteb. Israel ag atteb, ‘Ig ebehinkad am qaɗaiedappig. Ig ena daagnignu dabmak aɗa oiyaknu ib laa iitta. Ig neta qeta auta aomut.’

Esekiel 20:43

Ag amuppa daanna, ag ahilag hak nau, ahilag oiyak eheɗ ele, ag kobol amu heeg, amuppa ag oolagppa dubuttid teum daatte amu, ag amu dabmena, ag akka ag ahilag eheɗ hak amunu ag ahilagnu ag nau gahag bak ele dooglag.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Job 6:29

Ag ahilag dabmak eɗueg! Ag nai doya mala hettoɗia epeɗia elele mettak kobol dim lamitteg! Ao, ag ahilag dabmak eɗueg! Da genab tutukku hak kobol dim lamidttem.

Duteronomi 28:45

Am ag Yawe, ahilag Kayak, ag haknunab anak, amu ɗo ele Nug ag mattom, ag amu dim lamittak uuglag dayeb amu, diig amunu eheɗ laa awaknu anak waappa dayak imu oh ahilagppa bekku. Ba dayebeb, ag padal mekkulag.

Duteronomi 28:20

Yawe Nug heeb, eheɗ laa awaknu anak waappa dayak, dabmak kaboliak, bu qak ele ahilagppa uɗikku. Ag aɗi hekkulagnu hekkulag amu, Nug anam aakku hekku. Nug anamib heeb ukkeb, ag nauhna autna aon, pahanab mauhkkulag. Yawe Nug aɗi diignu anam hekku? Amunu diig am, ag kobol nau henana, Nug dimettaglag, amunu Nug anam hekku.

Namba 33:56

Am imu ele bekku. Ag dahil ehanittakppa ag eɗadna, wan amuppa ii daamnanu ii hekkulag dayeb amu, da geha danab gemu wan amuppa daatteb, da ahilagppa aɗi hekkulnu maidmi ele, da ag Israel, da ahilagppa hekkul,” awa aum.

Namba 32:23

Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Duteronomi 28:2

Amu ag Yawe, ahilag Kayak, ag Nug oɗe dim lamidkkulag dayeb amu, diig amunu ag itittak ena imu aon daaglag.

Aisaia 21:17

Kedar ag ban danab ɠagattag; ag latppa ban haknu ag doon autna aotteb, amge geha ag nauhppeg, ban danab ameg nakokib daaglag.” Aɗinu? Yawe, Nug Israel dilag Kayak, Nug anam awa atte.

Jeremaia 5:14

Ag anamnab aakku atteb amunu, Yawe Kayak Nukka Ɠagattag Oh Ele Nug inam atte. “Danab ah ag anam aakku atteb amunu, Jeremaia, da heppi, dahil nai na oɗenppa daatte amu, nai amuam aab aɗu bia daakku. Da heppi, danab ah ag dahilnu anam atteb ele, ag am ad aab bau bia daappeg, aab aɗu aab bau amu ewebeb, iitta mekku,” awa atte.

Jeremaia 32:24

Antte! Kekeɗ ag aab okkai imu eɗidkkulagnu ag wan buun, aon uɗin, gokkaɗegeg beebe, aɗ eleleppa bekkunu hetteb. Aab imuppan danab ah ag qep elabppanu mauhakppa, enugnu mauhakppa, oɗe nau danab kuɗum aqe mauhtteb, mauhak amuppa ele, Babilon ag aab okkai imu eɗidna aoglag. O Yawe, na aɗi keeke bekkunu ame amu, kobol anam aakku beebe na anidttem.

Jeremaia 36:28

“Jeremaia, na buk itoɗiak ele laa aon, nai buk itoɗiak tatamnuppa yaak dayom, Juda dilag King Jehoiakim mane ewom ele amu, na nai amu oh buk laa amuppa ye!

Jeremaia 39:16

“Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Jeremaia 44:29

Amu Yawe Nug imu ele atte. “Da bu matten, aɗi uug laala ahilagppa bekkunu appi, amu aakku bekku dooglagnu da bu okkai ag madakkul. Amu da ag genab Isip wan imuppa bu okkai ag madakkul dooglagnu, da at imu ag mattai bette anidtteb, ag anam dooglag.

Daniel 4:28

Amu King Nebukatnesar nug uug laa nuhigppa bekkunu anttom amu, keeke amu oh nuhigppa aakku beum. Am inam.

Hosea 5:9

O Israel danab ah, da keeke laa ag oolagppa genabnab bekkunu ai dootteb; amuam ahilag bu awak deɗ uɗieb amu, ahilag wan am nauhakib daakku.

Sekaraia 1:7

Amu Darius nug Persia dilag king dayaya, nuhig king dayaknu maɗ aɗitppa, kalam 11, onig Sebat, kalam amunu deɗ 24ppa Yawe Nug nuhig nai propet Sekaraia mettom. Sekaraia am Berekia bekka. Berekia nug am Ido bekka. Nai Yawe Nug Sekaraia mettom am inam.

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Jeremaia 28:17

Jeremaia nug Hanania amegppa anam a, maɗ amuppa kalam eblaih aɗitppa, propet hambuppuak Hanania nug mauhom.

Jeremaia 44:2

“Yawe Nukka Ɠagattag Oh Ele, Israel dilag Kayak, Nug inam atte. ‘Ag uug naunab nau da hei, Jerusalem, Judanu aab laa ohppa ele beum anidna malappig. Gemu aab amu ag hamu daatteb. Danab ah appa ii daatteb, nauhakib daatteb.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Gayak Nai 3:42

“Ig hipunin hemut. Ig nahip nai tappaut neum; anam amu, ⌊na hipunin amunu bu mekkak gogppa ii teum anitte uɗie, gemu batak,⌋ na hipunin ihinig amu ii uhuqna mekkame.