Sekaraia 1:5 - Nobonob Baibel

⁵ Amu Yawe Nukka Ɠagattag Oh Ele Nug atte. “Ag haen amuppa anam heppig, amge gemu amu, ag mamelkad aɗi, amu propet amu oh ele ag mauhna malappig, gemu laippu laa ii daatte,

Sekaraia 1:5 Referans Kwoze

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Eklisiastis 1:4

Menuak laippu ag dona daaeg ukke ukke mauheg, menuak laippu laa ag aakku doppig daaegeg ukke ukke mauhegeg amu, anamib baab gotte; amge wan nug anamib hanhan daatte.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Jeremaia 36:28

“Jeremaia, na buk itoɗiak ele laa aon, nai buk itoɗiak tatamnuppa yaak dayom, Juda dilag King Jehoiakim mane ewom ele amu, na nai amu oh buk laa amuppa ye!

Gayak Nai 5:7

Ig mamenkad aɗi hipunin hena, iitta meppig; amge ig ahilag bu mattak maot oittem.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 13:20

Aakku dimppa amu Elisa nug mauhe, ag nug ⌊men oɗeppa⌋ boumppig. Amu maɗ ohppa gakkaɗak haen digmakppa amu, Moap danab ag ban hena, danab aqadna, ahilkad keeke aotteb amu, amunu ameg laala ag uɗin, Israel wanppa Israel danab ah eheɗ hadattappig.