Sekaraia 1:19 - Nobonob Baibel

¹⁹ Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Sekaraia 1:19 Referans Kwoze

Sekaraia 8:14

Yawe Nukka Ɠagattag Oh Ele Nug inam atte. “Ag ii baɗamna. Ag ahan lag bappaidkkulagnu diig am, anukka haen ag mamelkad aɗi ag hipunin heegeg, da ool nauhe, da bu madakkulnu dabmak aoi ɠagattag eppe, da dabmak dahil ii eɗumi,

Sekaraia 2:2

Da nug anam antten, da nug oɗ mettami. “Na adeppa gottem,” awe oɗ mettami. Da nug oɗ mettai, nug aum. “Da ukken, Jerusalemnu melemel gane anidkkulnu gottem. Da aab amu, nuhig emaitak, elab nuhig ele dookkulnu melemel mekkul,” awa aum.

Sekaraia 1:21

Da amu antten, da engel da nug ele nai mattimuɗ amu, da nug oɗ mettami. “Danab amu ag aɗi hekkulagnu uɗitteb?” awe oɗ mettami. Da oɗ mettai, nug aum. “Qeqeɗi waɗele ag wan laala ag heeg, Juda danab ah ag matatun gona daanna, uɗa nak nau dooppig, amu danab aenppa uɗat haknu doyak okkai ele, ag qeqeɗi waɗele amu heppeg, ag baɗak eheɗ nau doon, ag nena qena, nauhna autna aoglagnu uɗitteb,” awa aum.

Sekaraia 1:9

Da anam anttena amu, engel laa nug da ele nai mattimuɗ amu, da nug oɗ mettami. “O naɗi dahil, umuam aɗinu anam daatteb?” awe oɗ mettami. Da anam oɗ mettai, engel nug da ele nai mattimuɗ amu, nug eɗua, da amelppa aum. “Ag attemun amu, da na ippunidkkul,” awa aum.

Esra 4:4

Juda danab ag anam aeg, danab ah Juda talilidna daappig, ag Juda danab ag lag amu tuɗidna hemananu ag ahilag dabmak qeppeg nekkunu, ag heppeg, Juda ag baɗan uuglagnu heppig.

Esra 4:1

Amu haen Juda danab, Benyamin danab ele dilag kekeɗ ag Juda danab, Benyamin danab ag Babilon wanppa diia ukka laih me dayak danab ah daan, eɗun uɗin, Yawe, Israel dilag Kayak, ag Nug laug buuglagnu digmeppig doon,

Esra 4:7

Dimppa, Artekserksis nug Persia dilag king daye, Bislam nug Mitredat, Tabel ele, amu nuhikkud ehanittak laa ele dilag ehanittakppa pas laa ya me, Artekserksis anidkkunu ukkom. Ag pas amu yaappig amu, ag Aram dilag nainu yaakppa, Aram dilag naippa ele yaappig.

Habakuk 3:14

Danab amu, nuhikkud daup ag ahan, huan uɗin, ig danab ɠagattag iitta ele, ig daɗek danab lokkumta daamut, ag ig lamigppeg, ig oolta, tamtam daagnignu, ag ig iqappeg mauhkkunignu dabmena, gamag ahak doon, danab ee lab iitta mekkunu hette bia ihinigppa hekkulagnu daappig amu, haen amuppa na daup amu dilag okkai, na danab amunu ban gudkkud aɗan, nuhig ban gudkkud igippa yaae noum.

Amos 6:13

Ag amu hetteb ele amu, ag aab Lo Deba eɗidna aoppignu gamalag ahatte. Ao, ag dada hena, ag aab Kamaim eɗidna aoppignu, ag, “Ig ikka, ihinig ɠagattagppa eɗadta aomut,” aon atteb.

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

Esra 5:3

Amu haen amuppa Tatenai, nug Persianu prowins Yupretis lenu qaban uɗitteppanu gawana dayom. Nug anam daye, nug, Setar Bosenai ele, ahilti ehanittak laala ele ag Juda heppig doon, ag ahan gona, Juda danab Kayaknu mettid lagnu uɗat heppig ele oɗ mattan appig. “Aun aum amunu ag Kayaknu mettid lag imu eɗun bappaidna henan daatteb?” aon oɗ madappig.

1 King 22:11

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.

Sam 75:5

Ge, ag laa hab attan daatteb ele, ag ag ele aib ban heppig. Ao, ag beɗuppa tak kobol, nai tappe nak kobol ele dim lamidnana, nai mattiak aib heppig.” Kayak Nug anam atte.

Jeremaia 48:25

Moap gai-iitta daakku. Nug danab eppeg qiiom, gai-iitta daatte, Moap anam daakku.” Yawe Nug anam awa atte.

Daniel 7:16

Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Sekaraia 1:18

Amu dimppa amu da Sekaraia, da neekki ukke, da doɗ qeqeɗi waɗele anidmi.