Sekaraia 1:18 - Nobonob Baibel

¹⁸ Amu dimppa amu da Sekaraia, da neekki ukke, da doɗ qeqeɗi waɗele anidmi.

Sekaraia 1:18 Referans Kwoze

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

Sekaraia 5:9

Nug anam he, da neekki, attan te, da ah aɗit aa hagagaɗya, i gumitya uɗieheh anatmi. Aa haulah am ai stok haug bia; amu aa pahanab hagagaɗya uɗipiɗ. Aa uɗiya, kaleg amu humaya, aoya hagagaɗya habppa tepiɗ.

Sekaraia 5:5

Aria, amu dimppa amu, engel nug da ele nai mattimuɗ nug da gumiɗa uɗia, da amelppa aum. “Neegppe, attan taɗ! Keeke laa habppa tula bette amu, na keeke amu antte!” awa aum.

Sekaraia 5:1

Amu da Sekaraia, da baula neekki ukke, da buk itoɗiak ele hagagaɗa ugekke anidmi.

Sekaraia 2:1

Aria, da Sekaraia, da baula neekki ukke, da danab laa nug melemel doyaknu muɗi eppegppa aɗa dayeye anidmi.

2 King 15:29

Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.

1 King 22:11

Propet amu ag ahilag nai mattiegeg, ag oolagppan laa, Kenana bekka Sedekaia, nug doɗ qeqeɗi dottog aenppa hak awa, nug aum. “Yawe Nug inam atte. ‘Na imuppa Aram dilag daup yaaladna, yaaladna, oh yaaladna maladkkut,’ awa atte,” awa aum.

Sekaraia 1:17

Engel nug da amelppa anam ana, nug tuɗitta aum. “Na imu ele madippe doyeg! Yawe Nukka Ɠagattag Oh Ele, Nug inam atte. Israel danab ah oh ag baula bau dayaknu keeke oh elele aɗan oinna, amu tuɗittak keeke laa ele aɗan oiglag, awa atte. Amu ag anam oippeg, am Yawe Nug baula danab ah oo mak madakku. Nug Jerusalem am nuhignabnu tituankku. Yawe Nug anam atte,” awa aum.

Sekaraia 1:19

Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Sekaraia 6:1

Aria, amu dimppa da baula neekki ukke, da karis waɗele ag qauko aɗit gamalahppanu uɗiegeg anadmi. Qauko aɗit amu aa brasppa haatak.