Sekaraia 1:15 - Nobonob Baibel

¹⁵ amge da wanppan wan laala danab ah dilagnu, ag ahilag dabmakppa ag ɠagattag daatteb, ag uug laa ii anidmananu dabmetteb amu, da amu dilagnu ool nauhtte. Da dahilad danab ah dilagnu ool nakokib nauhom, amge da ag amunu bu madakkulnu dabmein, bu qak amu wanppan wan laala eppelagppa memi. Da anam memi amge, wanppan wan laalappan danab ag bu da dabmemi, ag amu eɗittak, bu eheɗ nau ele Israel madappig,” awa atte.

Sekaraia 1:15 Referans Kwoze

Jeremaia 51:24

Ag ⌊Israel buɗub⌋ da ag amelagppanab heppi, Babilon danab ohnab ag Sionnu eheɗ aɗi aɗi hena, nob aoglagnu daatteb amu, kekeɗ ag nob amu ag mattaglag,” Yawe Nug anam awa atte.

Aisaia 54:8

Ag eheɗ heppig amunu, da ool huana haen tutuib nauhe, da dimatten ii ehanadmi, amge da oo mauhaknab kobol dahil alet daatte dim lamittette, da ool matten ehanadkkul.” Yawe, Nug ag laa eppelagppa dayaknu qagaiettakppanu eɗua uhuqak hette ele, Nug anam atte.

Sekaraia 1:11

Nug anam a, laa hos attan daappig ele ag Yawenu engel ad mirtel oolagppa dayom amegppa appig. “Ig wan atu ohppa oitta, maɗoɗib daatte anidmut,” aon appig.

Sekaraia 1:2

“Yawe Nug ag mamelkad aɗi dilagnu oo huanak nauhom

Sam 69:26

O Kayak, da na dahilad kekeɗ dilagppa anam hekkutnu oɗ medattemnu diig am inam. Na laa bu madattem ele amu, dahilad kekeɗ ag ag eheɗ hattaegeg, guittak tuɗittak, okkai dootteb. Ao, na laa, na ag bu matte guittak dootteb ele amu, dahilad kekeɗ ag amu dilag guittaknu qattag metteb.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

Esekiel 26:2

“Danab bekka, Tair danab ah ag Jerusalem na qeumnu oolag gamag ahak eheɗ doon, ag inam appig. ‘Am enanag! Kekeɗ ag gona, aab okkai Jerusalem heeg nauha autanab awom. Gemu aab amuam loppaɗakib daatte. Jerusalem danab ah baula keeke meppeg, laa daden meppeg, men doɗo ii aomna. Ag ig ib amuppa men doɗo okkai aognignu ib baula oo ii nemata; ig anam aognig,’ aon appig.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Sekaraia 6:8

Aria, amu dimppa Yawe Nug dahilppa eum. “Laa yawalti uɗitteppanu goppig ele ag heeg, dahil Ouɗi Nug appanu wan laa, Nug appa hik awawa daatte,” awa aum.

Job 30:13

Ag da oole gopanu da ippul oo netteb. Ao, ag da eheɗ heiɗppeg nauhkkulnu hetteb. Ge, ag dootteb, danab laa da ehaniɗkkunu ii daatte.

Jeremaia 30:16

Anam, amge aun aɗi ag, ag Jakop buɗub heppeg nau daaglag amu, huu amu ag nau aakku aoglag. Ag Jakop buɗub, ⌊da heppi,⌋ ahilag kekeɗ ag diia ukka laih me dayak danab ah daan, laih, ag wanelag iittappa gona daaglag. Jakop buɗub, laa ag ag ele ban hena, ag ahilag keeke aon gotteb amu, laa ag kekeɗ amu ele ban hena, ag ahilkad keeke aon gokkulag. Aun aɗi ag uɗin, ag Jakop buɗub dilag keeke, ag ele diin gotteb amu, da heppi, laa ag uɗin, amu dilag keeke akkan gokkulag.

Jeremaia 50:33

Yawe Nukka Ɠagattag Oh Ele Nug inam atte. “Kekeɗ ag Israel danab ah eheɗ hadatteb. Juda danab ah ele anamib, Laa ag eɗadna diieg, ag eppelagppa daatteb ele amu, laa amu ag ɠagattag aɗualadtteb. Ag heppeg, Israel, Juda ele ag eɗun, ag wanelagppa gokkulagnu iinab hetteb.

Habakuk 3:12

Na oppoɗin huan be, na wan qaɗeppa oime. Ao, na oot nauhe, na wanppan wan ohnu danab ah bu mattame; danab nug ee aeg mumuɗtte, amubia na heme.

Sekaraia 14:12

Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.