Sam 99:5 - Nobonob Baibel

⁵ Yawe Nug oppiaawak daatte ⌊amunu,⌋ ag Yawe, ihinig Kayak, ag Nug humitteg! Ag Nug baeg gukkuidna gona, ag Nug noobppa dup nona Nug binag meig!

Sam 99:5 Referans Kwoze

Sam 132:7

Anidta ig ikka ikka nug amegppa amut. “Ahappeg, ig Yawe daatte, ig aben amuppa gota daatu! Ao, ig Nug noobppa dup nota binag metata daatu!” aot amut.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Sam 108:5

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag nahip binag amahlak oppiaawak ele anidkkulagnu unuqidttem.

Sam 34:3

Ahappeg, ig Yawe, nuhig ɠagattagnu maditu! Ao, ig oh Nug onig okkai medatu!

Eksodas 15:2

Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 12:4

Haen amuppa ag gamalag aheb, geha ahi inam ettan akkulag. “Ag Yawe onig attan humeg! Ag Nug unuqitteg! Ag danab ah wan ohppa amelagppa keeke ena oh Nug heumnu appeg doyeg! Nug laa oh eɗattak, attannab daatte amu, ag danab ah oh amelagppa aig!

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Sam 118:28

O Kayak, na dahil Kayak, da na amenppa, “Ena hen mekkame,” akkul! Yo, na am dahil Kayak, da na binan mekkul.

Sam 107:32

Ag danab ah oh noolagppa Nug binag meig! Ao, ag Nug ikki danab noolagppa binag meig!

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Sam 21:13

O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.

Lewitikas 19:2

“Na Israel danab ah oh amelagppa nai imu appe doyeg!” awa aum. ⌊Nug anam a amu, Moses nug Yawe oɗe awa, Israel danab ah amelagppa inam aum.⌋ “Da Yawe, ahilag Kayak, da oppiaawak daattem amunu, ag ele oppiaawak dayeg!

1 Stori 28:2

Nug ag onilagppa e uɗin, qagmen daaegeg, King Dawit nug hibaitta dayaya, nug ag amelagppa aum. “O lailad, dahilad danab, ag dahil nai doyeg! Da oolppa lag laa, Yawenu Tituanak Nainu Kunup kontrak inak ele aguppa daakkunu, Yawe, ihinig Kayak, Nug ele aguppa daakkunu buukkulnu ool okkainab dayom. Da lag amu hekkulnu dottog hein, keeke ele qagmemi.

Hosea 11:7

Danab ah dahilad ag da dimeɗan, kayak hambuppuak laala dim lamadkkulagnu dabmak aoeg ɠagattag eppom daatte. Propet ag Israel ag eɗun dagattolppa uɗiglagnu onilagppa etteb, amge laippu laa da binal mekkunu ii hette.