Sam 98:4 - Nobonob Baibel

⁴ Ag wanppan danab ah, ag gamag ahak naɗi doon, ag Yawe binag mekkulagnu baalag okkaippa eig! Genab, wanppan danab ah oh ag gamag ahak naɗi doon, laippun digmena, ahi etteg! Ag ahi ettanna, qedadaɗaknu keekeppa qedadaɗeg!

Sam 98:4 Referans Kwoze

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Sam 100:1

Ag wanppan danab ah, ag maɗoɗppan gamag ahak naɗi doon, ag Yawe binag mekkulagnu baalag okkaippa eig!

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Sam 66:1

Danab ah ag wan atu ohppa daatteb ele, ag oh oo gamag ahakppa qalan enana, Kayak binag okkai metteg!

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Sam 95:1

Doppeg, ig Yawe binag humatu! Ao, Nug kekeɗ iqamanu ehanittak ihinig daya ehanikke, ig ii mauhttem amunu, ig gamanig aheb, baanig okkaippa nuhignu ahi edatu!

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Sepanaia 3:14

O Israel danab ah Sion daatteb ag, ag ahi etteg! Ao, Israel danab ah oh, ag oolag gamag aheb, ag huan qalan eig! Ag Israel danab ah ag Jerusalem appa daatteb amu, ag meulag ohppa ele oolag huan gamag ahaɗ!

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Sam 67:4

Na nai doya mala hettoɗia epeɗia elele mettak kobol dim lamidnana, na danab ah epeɗiadttem. Ao, na wan atu ohppan danab ah ib enappa gokkulagnu ulum madattem. Na anam hettem amunu, wan imuppan wan anen anen dilag danab ah oh ag nahipnu oolag ittag qak doonna, ag oo gamag ahaknu ahi ettaladkkulagnu ool daatte. Sila.

Aisaia 42:11

Ag danab ah atu taɗakppa daatteb, atu taɗakppan keeke oh ele ag baalag okkaippa Yawe binag meig! Kedar buɗub, ag Yawenu oolag gamag ahaɗ! Ag danab ah Sela daatteb amu, ag oo gamag ahak doon, ahi etteg! Ge, ag oo gamag ahak doon, ag qauko attan taadna daanna, ag laa, ag amu dooglagnu baalag okkaippa eig!

Sam 66:4

Wanppan danab ah oh ag na noomppa gatelag qaun ona, dup nona daatteb. Ag ahi ettanna, na binan humatteb. Yo, ag ahi ettanna, na binan humatteb.” Ag Nug amegppa anam aig! Sila.

Sam 71:22

O Kayak, na oo metta ii uuak kobol hanhan dim lamidttem amunu, da harp qeinne, binan mekkul. Yo, O Israel dilag Kayak, oppiaawak ele, da laia qeinne, nahipnu ahi edette, na binan mekkul.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!