Sam 97:2 - Nobonob Baibel

² Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Sam 97:2 Referans Kwoze

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Prowerb 16:12

Danab king ag gumadtteb ele, ag genab tutukku hak danab daatteb dayeb, amuppa nuhig wan aakku ɠagattag daatte; diig amunu amu, king nug eheɗ hak kobolnu ooppa uuaknab dootte.

Sam 99:4

O Yawe, na am king naɗinab. Na nai doya mala hettoɗia epeɗia elele mettak kobolnu oot mauhtte. Na epeɗia elele hak kobol Israel wanppa ɠagattag daakkunu qappame. Na Israel dilagppa, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidme, na gemu ele dim lamidttem.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Nahum 1:3

Yawe Nug paha oo ii nauhtte, amge nuhig ɠagattag am okkainab daatte. Nug anam daya hette amunu, Nug danab eheɗ hetteb ele bu madakku. Nug ag uuatteb, bu ii awak ele iinab oimna. Ao, Yawe Nug oiyeye, ulah kilibob, ulah okkai laa ele oh ahatteb. Danab wan gappudppa oiyeye, baegppa gappud ahatte, lombig am anambia nug baegppa daatteb.

Sam 77:19

Nahip ib am yu gamagppa ukkom. Ao, na ippun am le naɗi gamagppa ukkom. Nahip ib am anam, amge auntai laa na baen abenab anidkkunu elele iitta dayom!

Eksodas 20:21

Moses nug anam a, danab ah ag anamib piɗe hippaidna daaegeg, Moses nukka bud hinqak ele, Kayak aguppa dayom amu, Moses nug nukka amuppa gukkuitta teum.

Job 23:14

Nug aɗi maittak uug ele dahilnu matu awa, amu bekkunu ɗo meum amu, Nug he, nai amu aakku meu otte; nuhig dabmakppa kobol kuɗum laa amubia ele dahilppa bekkunu maittak awom daatte.

Job 26:9

Kalam kunum haenppa Nug he, kalam hautak daatte; lombig kalam tone, ii amahaltte.

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.