Sam 97:11 - Nobonob Baibel

¹¹ Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Sam 97:11 Referans Kwoze

Jon 12:46

Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Job 22:28

Na aɗi keeke hekkutnu dabmak aon malakkut amu, Nug heeb, am anam bekku; na ippunppa amahlak okkai daakku.

Sam 112:4

Haen genab tutukku hak danab ag gatatuppa daatteb amu, amahlak ahilagppa amahaltte. Yo, kobol amuam oo bodoette enanag maɗoɗ ele hak danab, oo bodoetta le mak danab, amu genab tutukku hak danab ele, ahilagppa bette.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Galesia 6:8

Amubia danab laa nug beɗunu kobol haaha oitte amu, nug beɗu kobolnu meu nau, padal mak aokku. Amge danab nug Kayak Ouɗinu ehanittak awa aɗa, amuppa oiyaya, Ouɗi kobol amu dim lamitta oitte, Ouɗi Nug danab amu bauklel hanhannu metteb daakku.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

Esta 8:16

Juda ag amunu oolag ena daye, ag gamag ahak okkai doyegeg, aben ohppa ag binalag okkai ele dayom.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.

Aisaia 62:1

Da ⌊Yawe ag ehanatteb,⌋ Sion danab ah ag ena daaglagnu amu, da amunu dabmak anuqak awewe, da oɗel ii qamutpa. Yo, da ⌊Yawe ag ehanatteb,⌋ Jerusalem danab ah ag ena daaglagnu amu, da amunu dabmak anuqak awewe, da ii hik aopa. Da anam heppi ukkeb ukkeb, Sion danab ah ag genab tutukku hak kobol dim lamidppeppeg, genab tutukku hak kobol ahilag amuam amahlak okkai bia dayebeb, da batakkul. Yo, da anamib heppi ukkeb ukkeb, Yawe Nug Jerusalem danab ah ehanatteb, padal ii memana; hul huana ewewe danab miagib anidtteb amu, ehanitta, padal ii mak amuam miag atiaknab amubia ba dayebeb, da batakkul.

Job 11:17

Na anam hekkut dayeb, na enanag doon daan oikkut. Ao, nahip bau dayak am gatatu ele ii daama. Iitta. Amahlak enappa daakku.

Sam 68:4

Ag Kayaknu ahi etteg! Ag onig humeg! Ao, Kayak Nug lombig qaɗeppa dayaya gotte; ag baalag okkaippa nuhignu binag maknu ahi etteg! Nug onig am Yawe. Ag Nug noobppa gamalag ahaɗ!

Aisaia 58:8

Amu ag anam heppeg amu, amahlak ahilagppa pahanab buttua amahlak uɗitte bia uɗikku. Yawe Nug heeb, ag paha eɗun ena daaglag. Amu ele, Yawe Nug ahilag genab tutukku hak kobolnu diig daatte, Nug geha ag noolag awa, anuqa ugakka, atognoadkku. Yo, Yawe Nug binag amahlak oppiaawak ele, Nug ag dim lamattatta, atognoadkku.