Sam 97:1 - Nobonob Baibel

¹ Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Sam 97:1 Referans Kwoze

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Sam 93:1

Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Revelesen 11:17

Binag menana appig. “O Naɗi Kayak Nakka Ɠagattag Oh Ele, na gemu daattem, anukka ele daame. Na aakku ɠagattag okkai nahip oh eɗun aon, King daattem amunu, ig na amenppa, ‘Ena heme,’ aot attem.

Mak 11:10

Danab imu Nug ig alanig Dawit king dayom, Nug amubia daakkunu uɗitte, Kayak Nug itidkkunu oonig daatte. Kayak, Nug attannab daatte ele amu, ig Nug onig humatu!” aon appig.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Aisaia 49:13

Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!

Genesis 10:5

Amu danab ah amu, ag buɗulkad ag Mediterenia yu ihippa, nudppa ele daappig; ag am Japet buɗub aakku. Amu ag baelkadppa anen anen ele ag appatna, kuɗum bena, oppatna wanppan wan laalappa daanna, ag nailag piɗe piɗe mattinna, aab ikki anen anenppa daappig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Matyu 6:10

Na heppe, ɗo maɗoɗ nahip wan imuppa daakkunu unuqidttem. Na heppe, hab aabppan daup ag nahip dabmak awak dim lamidna hetteb, amubia ig wanppa daattem ele dim lamidtu!

Matyu 3:3

Anukka propet Aisaia nug Jonnu inam mattia aum. “Nug am baag laa atu taɗakppa dayaya, nai inam ewa atte. ‘Ag Naɗi uɗikkunu ib babaitteg! Ao, ag ib tutukku, tak nak iitta ele nuhignu babaitteg!’ ” Aisaia nug Jonnu anam aum.

Obadaia 1:21

Amu danab Yawe Nug ag Israel ehanatteg, qagaiettakppa ii daamnanu tituanadkku, huu amu ag qauko Sion, ⌊Jerusalem daatteppa,⌋ ag appa tena, ag Edom wan gumaglag. Amu Yawe Nug nukka, Nug ahilag king daakku.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Aisaia 51:5

Da dahil genab tutukku hak kobol dim lamitten ehanadkkulnu haen am miagib daatte. Ao, da danab ah ehanadppi padal ii memananu haen am miag uɗiom daatte. Da dahil ɠagattagppa heppi, danab ag lailkad ele ag nai doya mala hettoɗia epeɗia elele mettak kobol dim lamidna oiglag. Danab ah ag wan miagnu, wan umanu ele, ag dahil ɠagattag, ag amuppa ehanittak aoglagnu dabmak aɗan daan, amel metteb.

Aisaia 49:1

Danab ah wan miagnu, wan umanu ele, ag nai dahil doyeg! Ao, ag danab ah wan atu umanu, ag doyeg! Anai da ii menuiɗom haenppa, Yawe Nug da onilppa eum. Ao, da anai ooppa niiiyi, Yawe Nug da onil diiom.

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Aisaia 41:5

Danab ah wan miagnu, wan umanu ele ag ⌊aam bedeppanu okkai amu hette⌋ anidna, ag baɗatteb. Ao, danab ah wan atu umanabnu, ag amu anidna, hahaɗnana daatteb. Ag akka akka qagmena, ag nug ehanidnana, akka akka amelagppa “Ɠagattag daye!” atteb.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Sekaraia 14:9

Amu Yawe Nug wan atu oh dilag king daakku. Haen amuppa amu, Yawe Nugib danab ah oh dilag dabmakppa Kayak daakku. Danab ah oh ag Nug noobppa dup nona binag mekkulag.