Sam 96:5 - Nobonob Baibel

⁵ Laa amu, wanppanu danab ah laa dilag kayak oh ag keeke genab iitta. Ag am dottolkad aakkuib daatteb, amge Yawe Nug amubia iitta. Nug hab heum.

Sam 96:5 Referans Kwoze

Sam 115:15

Yawe, Nug hab, wan ele heum amu, Nug ag itadkkunu ool daatte.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

Sam 135:18

Laa ag hadatteb, aria laa oh ag ahilagnu oolagppa genab dootteb ele, ag oh ag bia daaglag.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

Sam 135:15

Hambuppuak kayak, wanppan wan oh dilag amu, ag am silwa, gol eleppa hak. Danab ag eppelagppa hadappig.

Genesis 1:1

Digmak haenppa Kayak Nug hab, wan ele heum,

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Aisaia 41:29

Antteg! Kayak hambuppuak ag oh am keeke genab iitta. Ahilag hak laa ii daatte. Ag dottolkad ele am keeke genab iitta, ag am ulah bia,” awa atte.