Sam 96:11 - Nobonob Baibel

¹¹ Ag habppa daatteb ele, ag oh gamalag ahaɗ! Ao, ag wanppa daatteb ele, ag oh gamalag ahaɗ! Yu, nuhig keeke oh ele, ag gamalag aheb, eig!

Sam 96:11 Referans Kwoze

Aisaia 49:13

Yawe Nug danab ah nuhikkud oo mak madatte, Nug nuhikkud danab ah bu okkai aoppig dilagnu oo bodoetta le mak dootte amunu, ag hab daup, ag oo gamag ahak doon, baalag okkaippa eig! Yawe Nug anam hette amunu, danab ag oo gamag ahak dootteb, amubia keeke oh wanppa daatteb, ag oolag gamag ahaɗ! Nug anam hette amunu, danab ag oo gamag ahak doon, ahi ettaladtteb, amubia ag qauko, ag oo gamag ahak doon ahan, ahi etteg!

Sam 69:34

Hab amu habppan oh, wan amu wanppan oh ele, ag Kayak binag meig! Yu amu yuppan oh ele amu, ag oh ele, ag anam heig!

Sam 97:1

Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

Revelesen 12:12

Amunu hab, amu hab aab ele, amu ag laa aguppa daatteb ele, ag maɗoɗppan gamag ahak doyeg! Amge wan amu yu ele ahilahnu gadonnab gadon! Aɗinu? Mat naɗinab onig Satan, nug aakku ahilagppa noum. Nug oppoɗi bak huana ele. Aɗinu? Nug dootte, nuhig haen am tutu,” awa aum.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 2:10

engel nug amelagppa aum. “Ag aib baɗappig. Da oo maɗoɗppan gamag ahak okkainu nai ena danab oh dilagnu awe nemi.

1 Stori 16:32

Yu, nuhig keeke oh ele, ag gamalag aheb, eig! Ge, dad okkai oh, amuppan keeke oh ele, ag gamalag ahaɗ!