Sam 95:1 - Nobonob Baibel

¹ Doppeg, ig Yawe binag humatu! Ao, Nug kekeɗ iqamanu ehanittak ihinig daya ehanikke, ig ii mauhttem amunu, ig gamanig aheb, baanig okkaippa nuhignu ahi edatu!

Sam 95:1 Referans Kwoze

1 Korint 10:4

Ag oh amu, Kayak Nug le matte lappig. Ao, hab aabnu Laa Nugib ag omalattom. Nug Kristus. Nug he lappig.

Sam 81:1

Ig gamag ahak naɗi doota, ahi ettatta, Kayak binag metu! Nug am ihinig ɠagattag. Ao, ag Jakop buɗub dilag Kayak binag mekkulagnu baalag okkaippa eig!

Sam 150:6

Keeke oh bau daatteb, ag Yawe binag meig! Ag Yawe binag meig!

2 Samuel 22:47

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ao, Kayak, kekeɗ nikkamanu ehanittak ihinig daatte, Nug da padal ii mepanu ehanittak dahil daatte. Heppeg danab ah ag Nug binag meig!

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Sam 100:1

Ag wanppan danab ah, ag maɗoɗppan gamag ahak naɗi doon, ag Yawe binag mekkulagnu baalag okkaippa eig!

Sam 34:3

Ahappeg, ig Yawe, nuhig ɠagattagnu maditu! Ao, ig oh Nug onig okkai medatu!

1 Stori 16:9

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao ag nuhig hak ena ena ohnu, ag danab ah laa oh ag amu dooglagnu ag amelagppa aig!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Sam 66:8

O danab ah oh, ag ihinig Kayak binag humeg! Yo, laa ag dooglagnu, ag huana qalan enan, Nug binag humeg!

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Sam 118:1

Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

Sam 117:1

O wan ohppan danab ah, ag Yawe binag meig! Ao, ag wanppan huu ohppan danab ah, ag Nug binag meig!

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

Sam 107:21

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:15

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 107:8

Heppeg, ag Yawe amegppa nuhig oo mauhaknab kobolnu, “Ena heme,” aig! Ao, ag Nug keeke ena ena oh danab nuhikkud dilag hettenu ele anam aig!

Sam 101:1

Da nahip oo mauhaknab kobolnu, nahip nai doya mala hettoɗia epeɗia elele mettak kobolnu ele ahi edakkul. O Yawe, da ahippa na binan mekkul.

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

Revelesen 14:3

Ag sia king ⌊anuqak⌋ noobppa hab daup waɗele Kayaknu bauklel aotteb ele, ag noolagppa amu ikki danab noolagppa ele ahi bau edappig. Laa oh ag ahi amu ettaglagnu am elele iitta; danab 144,000 Kayak Nug ag wanppanu danab ah oolagppanu ag hipuninnu qagaiettakppanu eɗua uhuqak heum ele, ag aakkuib ahiettaglagnu elele daappig.

2 Stori 20:28

Ag Jerusalem tena, ag Yawenu mettid lakka gonana, laa ag harp, lut ele qenana, laa trampet iwaladppig.

Sam 18:47

Kayak Nugib Nug he, laa ag dahilppa eheɗ heppig amu, ag amunu nob elele aotteb. Ao, Nug he, wan laappan danab ah ag da waalppa daatteb.