Sam 94:5 - Nobonob Baibel

⁵ O Yawe, danab ah nau hetteb ele ag nahipad danab ah aduduɗatteg nauhtteb. Ao, ag danab ah nahipadnab daatteb ele, ag eheɗ hatteg nauhtteb.

Sam 94:5 Referans Kwoze

Aisaia 3:15

Aun nug ag amelagppa a, ag dahilad danab ah eheɗ hattegeg, ag nauhna autna aotteb? Aun aum amunu ag daɗek danab tappalattegeg, ag iɗulag wanppa oɗoɗe nauhtteb?” Naɗi, Nug Yawe Nukka Ɠagattag Oh Ele, Nug anam awa atte.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Jeremaia 51:34

⌊Juda danab ah ag akkulag.⌋ “Amu ig Juda amu, Babilon dilag king Nebukatnesar nug doɗ layag qe mauhe latte, nug ihinignu anambia heum. Ig nug eppegppa daattem. Nug he, ig kaaka daattem. Nug he, ig hinai, ooppa keeke ii inak, ig amubia daattem. Makkai okkai laa doɗ toppua gotte, amubia Nebukatnesar awikke, ig nug eppegppa daattem. Nug makkai doɗ beɗu enanag latte, nug amubia ig Juda, ihinig keeke enanag awe, nug eppegppa daatte. Nebukatnesar nug he, ig ig wanenigppa ii daattem.

Jeremaia 50:11

Amu Yawe Nug atte, “Ag kekeɗ ag dahiladnab danab ah eheɗ hattana, ahilag keeke aon gotteb ele, ag amunu oolag gamag ahatte. Makau balat, mameg qakkaknu muɗi uhuqe, enanag dootte bia, ag dahilad danab ah dilagppa eheɗ heppignu enanag dootteb. Ag hos dawai enanag doyaya, huana gaatte bia, ag gamag ahak doon etteb.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Aisaia 52:5

Ag anam daaeg uɗie, gemu attemnab iikku beum daatte? Aɗi beum daatte amunu, wan laappan daup ag ele uɗin, ag dahilad danab ah hamu diin goppig? Ag diin gona heeg, dahilad danab ah ag gumak ahilag waappa daaeg, danab amu ag dahilad danab ah aon aon aqatteg, danab ah kuɗum ag deɗ oh amun tuqan ele dahilnu dabittak nai maditteb.

Sam 79:7

Aɗinu? Ag ig Jakop buɗub, ig iqappig. Ao, ag Jakop buɗub dilag wan atu heeg nauhom.

Sam 74:8

Ag amu hewona, ag ihinignu, “Ig hepput, ag nauhna autna aoglag!” dabmeppig. Ao, ag ihinig wanppa aben oh ig na Kayak, ig na binan memut ele amu, ag amu oh amotatteg eon malappig.

Sam 44:22

O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Sam 7:2

Na anam ii hekkut dayeb, kekeɗ ag geha laion laa doɗ laa kattiɗtte, ag amubia da kattiɗilkkulag. Ao, na anam ii hekkut dayeb amu, kekeɗ ag doɗ laa layag emala kattiɗe, huppu huppu nette, amubia ag heppeg da nauhkkul, amu auntai laa da ehaniɗeb qagaiettakppa ii daakkulnu ii daama.

Gayak Nai 3:36

o hettoɗiakppa laa nug layag eheɗ ii heum, amge nug nuhignu, “Nug eheɗ amu he anidmi,” akku dayeb amu, Naɗi Nug hak nau amu oh iite anidkku?

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.