Sam 94:4 - Nobonob Baibel

⁴ Ag am beɗup tak danab nau daan, ag beɗup tak danab ah nau bia nai maditteb. Ao, nau hak danab ah ag dada danab dilag nai mattinna daatteb.

Sam 94:4 Referans Kwoze

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Sam 140:3

Nai ag atteb am mat nau danab emalatte guadtte bia, nai amuam he, danab ah ag guittak dootteb. Ao, ag mat nau, danab emalatteg mauhtteb ele, amubia ag oɗelagppa nai maditteb. Sila.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Daniel 7:11

Laa buk amu kolatte, qeqeɗi nug nukka binag humak nai okkai mattiaya dayom amunu, da baula neekki ukke, aɗi bekku anidkkulnu daami. Da anam, neekki ukke daaiyi, laa nug doɗ ebqak waɗele amu qe mauhe, beɗu he nauhe, buɗie, aab naɗi eheɗ ewom, amuppa teum.

Daniel 7:8

Da neekki ukke, qeqeɗi amu anatten, qeqeɗi amunu dabmein daaiyi, qeqeɗi nakok laa ele qeqeɗi laa oolagppa aakku beum. Baaba, qeqeɗi ewam laa duttunatte, bena gona ii daappig. Qeqeɗi dim beum amu, nug am ameg ele, ameg amuam danab ameg bia. Nug ele oɗe ele, amu nug nukka nug oɗeppa binag mak nai okkainab mattiom.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Prowerb 30:14

Ag doɗ laa ag aelkad qep elab aeg hawaɗ ele bia, ag amubia daatteb. Ao, ag doɗ laa nug hippegppa qep qataqak daatteb, ag amubia daatteb. Ag doɗ nau amu ag lailkad aqaeg mauhtteb bia, ag daɗek danab eheɗ hadappeg, ag wanppa ii daamnanu hetteb. Ao, doɗ nau amu ag lailkad aqaeg mauhtteb bia, ag laa ag keekenu tutu mak daatteb eheɗ hadappeg, ag danab ah oolagppa baula ii daamnanu hetteb.

Sam 59:12

Dahil kekeɗ ag dada hena, ag nai nau atteb. Yo, ag oɗelagppa ag laa ag eheɗ laa awaknu anak waappa daaglagnu ana, ag hambubutteb. Anam amunu, nai nau ag atteb, amu dada hak kobol ahilag ele, keeke aɗit amuam ahilag pelem bia dayebeb, na heppe, ag amuppa nena qekkulagnu oɗ medattem.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

1 Samuel 2:3

Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!