Sam 94:13 - Nobonob Baibel

¹³ Na nau hak danab heppe nauhkkulag, amge ag ii nauhppig haenppa, haen amuppa nau hak danab ag heeg, uug digdig nahipad danab ah aqadkkun betteb, amu uug amu nahipad danab ah aqatta aot autanab aomanu, na ehanadttem.

Sam 94:13 Referans Kwoze

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

Sam 9:15

Danab ah wan imuppan wan laalappanu ag moɗ laa, danab ah laa ag amuppa nena qena daaglagnu aoppig amu, ag akka ag moɗ amuppa noppig. Ao, ag akka ag ahilag uhuippa noppig.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Revelesen 11:18

Iitta aɗi ag nahipnu oo nauhak dooppig, amu na ag amunu bu aqakkutnu haen aakku beum. Anam amunu, na gemu mauhak aɗi epeɗiadkkutnu haen aakku beum. Gemu am ele nahip propet, ag nahipad maɗi nid amu, na ag nob ena madakkutnu haen. Anam amu, gemu am ele nahipad danab ah oppiaawak ele, amu danab oh ag nahipnu ebehilkad oh bodoetta le mette ele, na ag ele nob ena madakkutnu haen. Na danab amu ag onilag ele, onilag iitta ele, amu ag oh nob ena madakkut. Aria, gemu ele na danab ag wanppa tappe nak hena, wan heeg nauhtte ele amu, na heppe, ag nauhkkulagnu haen,” aon appig.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Sam 49:5

Uug laa bette haenppa amu, da baɗakkulnu diig laa ii daatte. Ao, kekeɗ ag taliliɗna daatteb haenppa amu, da baɗakkulnu diig laa ii daatte.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.