Sam 93:4 - Nobonob Baibel

⁴ Yu naɗippa, duban okkai, anam aakku uɗin heegeg, oqotti huana otte, amge O Yawe, na attan daattem amu, nahip ɠagattag am yunu ɠagattag amu eɗidtte. Yo, duban naɗi okkai, ag am ebehilag ele, amge Yawe, na attan daattem, nahip ɠagattag amu eɗidtte.

Sam 93:4 Referans Kwoze

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 89:9

O Yawe, naib na yuppan duban okkai okkai gumadttem. Yo, yu duban qak okkai okkai hette amu, na he uutteb.

Job 38:11

Haen da amu oh hein, da yu amegppa ami. ‘Na iikku batak uɗikkutnu elele. Tom imu amu, na ii eɗidmana. Ao, nahip duban am ɠagattag okkai ele, dada danab daatte bia daatte, amge aben imu ii eɗidma.’ Da amu ai, anam dayom.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Sam 92:8

Nau hak danab ah dilagppa anam aakku bekku, amge O Yawe, na keeke oh dilag okkai daattem. Na hanhan hab attan onin binan okkai ele daattem.

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Sam 29:4

Yawe baag oqotti am ɠagattag. Yo, Yawe baag oqotti am laa nug dagom onig ɠagattag ele baag bia, amge amu eɗidtte.