Sam 93:2 - Nobonob Baibel

² O Yawe, anukkanab na digmena, keeke oh gumattem. Ao, na am bauklel.

Sam 93:2 Referans Kwoze

Sam 45:6

“O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, nai doya mala hettoɗia epeɗia elele mettak kobol am anuqak daakku.

Sam 90:2

Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Revelesen 2:8

Nug anam ana, Nug nai tuɗitta aum. “Na nai da attem imu Smerna Kristen tamaniaknu ikki danab, nuhignu inam ye! Nai imu, laa Nug hanhan daatte; anuqakppa, batakppa ele Nug daatte, anukka Nug mauhom, amge Nug gemu bau daatte, nuhigppan uɗitte.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Sam 55:20

⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.

Daniel 7:9

Qeqeɗi nakok, dim beum am anam heehe, da neekki ukke, da laa ag kingnu sia enanag kuɗum abenlagppa maatteg daaeg anadmi. Ag maatteg daaegeg, Kayak Hanhan Daatte Nug sia king nuhigppa heɗep na dayom. Lamen nuhig am hakkabnab, sno bia. Nug ikki uɗug am hakkab, sipsip uɗig bia. Sia king nuhig am aab ewak bia dayom. Amu sia king nuhig am ele wil ele, amu wil amu oh am danab aab ile, huana diditte, amubia ag oh huan ewegeg anidmi.