Sam 93:1 - Nobonob Baibel

¹ Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Sam 93:1 Referans Kwoze

Sam 96:10

Ag wanppan wan ohnu danab ah oh amelagppa, “Yawe Nug King daatte!” aig! Nug wan ha, abenabppa meum daatte amunu, laih wakkunu elele iitta. Ao, geha dimppa amu, nug hettoɗiak aɗa, danab ah nai doya mala hettoɗia epeɗia elele mettak kobolppa epeɗiadkku.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

1 Stori 29:12

Danab ag en okkai, binalag okkai ele amu, ag keeke amu na eppenppa aoppig oitteb. Na keeke oh ikki daattem. Na eppenppa ɠagattag, binag okkai awak ele daattep. Danab oh binag okkai, ɠagattag ele mattaknu amu, amuam na eppenppa aɗattem.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Sam 103:19

Yawe Nug he, nuhig sia king am hab aabppa daatte. Nug appa dayaya, Nug keeke oh gumadtte.

Sam 65:6

Nahip ɠagattagppa, na qauko hatte bena, ag abenlagppa daatteb. Nahip ɠagattag am okkainab.

Aisaia 45:18

⌊Keeke amu oh am anamib bekku.⌋ Aɗinu? Yawe, Nug hab heum, Nug nukka am Kayak. Ao, Yawe, Nug wan heum amu, Nug wan ɠagattag daakkunu babaittom. Nug danab ag wanppa daaglagnu wan babaittom. Nug wan danab ah appa ii daamnanu ii babaittom. Iitta! Nug danab ah aguppa daaglagnu babaittom. Amu Yawe Nug atte. “Da am Yawe, laal ii daatte.

Aisaia 45:12

Da, laa iitta, da wan hemi. Da hein, da danab ah aguppa daan oiglagnu ele hattami. Da eppelppa hab hein, da aam kalam hoɗoppai ele appa daatteb ele hattami.

Sam 97:1

Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Sam 59:13

Wan imuppan wan anen anennu danab ah oh ag na Kayak, na ippa Israel daanna gumigttem, ag amu dooglagnu amu, na dahil kekeɗ dilagnu oppoɗin beeb heppe, ag padal mekkulagnu oɗ medattem! Ao, na ahilagnu oppoɗin beeb heppe, ag padal mena, laippu laa ii daamnanu unuqidttem! Sila.

Hibru 1:8

Amge Kayak Nug Bekka amegppa inam aum. “O Kayak, ɗo maɗoɗ na kalame ele am hanhan daakku. Ao, nahip ɗo maɗoɗppa amu, genab tutukku hak kobol am anuqak daakku.

Aisaia 59:17

Amu ban danab nug kekeɗ ele ban hekkunu, nug guppiɗ laa qahaɗ bia momoppa pale dayeye, nug igippa aen hat mewowa, bannu lamen ele tagatte amu, amubia Yawe Nug nuhig kekeɗ ele ban hekkulagnu keeke oh babaitta malom. Nuhig guppiɗ qahaɗ bia am genab tutukku hak kobol. Nuhig aen hat igippanu am ehanatteb, padal ii memananu kobol. Beɗuppanu lamen nuhig am kekeɗ ag eheɗ heppignu nob tutukku madakkunu dabmak aakku. Aria, nuhig lamen, lamen laa qaɗeppa daakkunu, amuam uɗat hekkunu daatte yag-nab-bak doyak aakku.

Aisaia 49:8

Amu Yawe Nug atte. “Haen da ii helom bia me, da na ehanidkkulnu ena doyeye, da nahip unuqittak doyen ehanidkkul. Ao, ehanitteb, padal ii mak haenppa amu, da na ehanidkkul. Da na nena qemananu ehanitten, da heppi, na gamag danab daappe, da danab ah ele nai qakkagnig. Nai qakkak amuppa amu, da nahip-ppa ag ehanadppi, Juda danab ag eɗun, ahilag wan hele-ettak daakku amu, ag bappaidkkulag. Amu nai qakkak amuppa ele amu, da nahip-ppa heppi, wan maha maha oh am mamelkad eppelkadppa eɗun daaglag. Ao, aun nug wan anen anen mameg daappig amu, ag buɗulkad ag eɗun anam daaglag.

Aisaia 11:5

Danab nug matagiɗ tagatte, amubia ⌊Jesi buɗub⌋ nug genab tutukku hak kobol aɗa dim lamidkku. Ao, danab lamen tagatte, amubia geha nug oo metta ii uuak kobol haen oh dim lamidkku.

Sam 145:13

Nahip ɗo maɗoɗ am hanhan daatte; am geha iitta ii mema. Ge! Na king hanhan daattem. Aɗi keeke Yawe Nug hekkunu atte amu, Nug aakku hette. Laa amu, Nug aɗi keeke hette ele, Nug oo bodoettak, enanag, maɗoɗ ele hette.

Sam 18:32

Kayak Nug ɠagattag meɗatte. Ao, Nug he, dahil ib am, qa oppiaawak daatte.

Job 40:10

Na anam daattem dayeb amu, na heppe, binag amahlak oppiaawak ele, ɠagattag okkai naɗi ele lamen bia nahip-ppa dayeɗ! Ao, na anam daattem dayeb amu, na laa nug binag ele, aria nug ele dagom onig ɠagattag ele amu, na heppe, amu ele lamen bia nahip-ppa dayeɗ!

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 52:7

Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Sam 75:3

Haen wan nug uɗalele, danab ah wanppa daatteb ele ag uug doyegeg, daib da wan ɠagattag medattem. Sila.

Aisaia 51:16

⌊Amu Yawe Nug ele atte.⌋ “Da dahil nai ag oɗelagppa mekkul. Da ag atognoadkkulnu, da eppelppa ag tonadkkul. Da, da hab hein, wan ele hemi, amu gemu da ag Juda danab ah, da ag amelagppa attem. ‘Ag am danab ah dahilaɗ.’ ” Yawe Nug anam atte.

1 Stori 16:30

Ao, ag wan danab ah oh, ag Nug noobppa daappeg, beɗulag hahaɗaɗ! Nug wan ha, abenabppa meum daatte. Ao, am anam amunu, wan am laih wakkunu elele iitta.

1 Stori 16:31

Ag habppa daatteb ele, ag oh gamalag ahaɗ! Ao, ag wanppa daatteb ele, ag oh gamalag ahaɗ! Ag wanppan wan ohnu danab ah oh amelagppa, “Yawe Nug King daatte!” aig!

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.