Sam 92:6 - Nobonob Baibel

⁶ Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 92:6 Referans Kwoze

Sam 73:22

haen amuppa da kobol kaaka, doyak iitta ele hemi. Ge, da doɗ, dabmak iitta ele, amubia daami.

Sam 94:8

Amge ag danab ah ag dabmak pehettak ii aon oitteb ele ag dabmeig! Ag danab ag Kayaknu ii dabmena, ii dim lamidtteb ele, ag haen gane laa ukkeb, ag danab ah doyak dabmak ena ele bena daaglag?

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

Jeremaia 10:14

Danab ah oh ag kayak hambuppuak dottolkad noolagppa dup nona binalag metteb ele ag doyak dabmak ena ele iitta. Ao, keeke golppa hak danab ag kayak hambuppuak dottolkad bappaidtteb ele, ag uɗalag nekku. Aɗinu? Dottolkad ag hetteb ele, amuam keeke hamu. Ag kayak genab laa iitta. Dottolkad amu ag ulah eeɗnan, bau ii daatteb. Iitta.

Prowerb 24:7

Danab nug Kayak dab-ii-maama ii dim lamidtte, nug am doyak dabmak ena elenu diig tutukku ii dootte; nug ikki danab dilag qagmak aben aab nuhig odppa daatte, nug appa nai laa madikkunu elele iitta.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Prowerb 30:2

“Da doɗ bia daattem. Laa ag ele doɗ bia daatteb, amge da anam daye aute autenab aottem. Laa ag danab daan, diignu doyak tutukku aɗan oitteb, amge da amubia ii aɗattem.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Sam 14:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb. Danab amu ag diilkad ena iitta, kobol ag hetteb am kobol uɗig wak ele. Auntai laa ena ii hette!

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Sam 139:14

Na da elelenab, danab nug nahip uɗat amu antta, nug dabmak huanak aotte, na anam heiɗme amunu, da amunu na binan mettem. Kobol na heme am enanag. Da amunu doye aute aottem.

Aisaia 28:29

Doyak imu oh am Yawe Nukka Ɠagattag Oh Ele, nuhigppanu uɗitte. Nug ulum ena ena ele megatte. Nug doyak dabmak okkai okkai, laa oh eɗattak ele.

Aisaia 55:9

Laa amu, hab wan eɗitta, attannab daatte, amubia dahil hak am hak ahilag eɗidtte; dahil dabmak ele ahilag dabmak anam eɗidtte.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.