Sam 92:13 - Nobonob Baibel

¹³ Ag am ad laa aben enanagppa eppaeg ba auta aotte, amubia ag Yawe laugppa daan, ena betteb. Ao, ag ihinig Kayak laugppa enaib daatteb.

Sam 92:13 Referans Kwoze

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Rom 6:5

Ig genab Nug ele laippu tamanit, Nug ele oh mauhta daamut dayeb amu, genabnab ig Nug ele laippu tamanit, Nug eɗua hibaittom bia, ig ele eɗut hippaidkkunig.

Sam 100:4

Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Sam 116:19

Da geha Yawe laugnu haɗap-ppa, hekkul. Ao, da Jerusalem gamagppa hekkul. Ag Yawe binag meig!

Sam 135:2

Ag aun aɗi ag Yawe laugppa nuhig ɗo maɗoɗnu uɗat hetteb ele, ag Nug binag meig! Ao, ag aun aɗi ag Kayak laugnu haɗap-ppa uɗat hetteb ele, ag Nug binag meig!

2 Stori 4:9

Amu Solomon nug mana mettak danab dilag haɗap ha, nug haɗap laa okkainab, danab dilag, nug amu ele heum. Nug ha, nug haɗap aɗit amunu od ele hatta, nug od qaɗelagppa bras qataqeum.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Esta 9:4

Am king nug Mordekai awa me, gumak uɗat aben attannabppa ta daye, nuhig hak, nai amunu wan maha ohppa ugekke, nug binag awe, ɠagattag okkai ele naɗi meeme, nai amu ele ukkom ⌊amunu, okkai danab laa ag nuhignu baɗappig⌋.

Solomonnu Ahi 4:11

O ah dahil, ubuhi okkai, uppuh leppu teɗppanu ataɗa nette bia, na ottinppa daatte. Ao, uppuh leppu, makau huh ele am na lemaɗun waappa daattep; amu nahip lamennu muttuɗig am enanag, plang gikkiak Lebanon wanppan ad sidappanu, amubia.

Solomonnu Ahi 5:15

Nug baeg am biidod men onig mabelppa hak, tatap gol ena dubuttid iitta eleppa hak daatteb bia daattep; nug nuhig neekkak am enanag, Lebanon wan bia daatte; nug Lebanon wanppa ad sida ena ena daatteb, nug amubia daatte.

Hosea 14:5

Am Yawe Nug ele atte. “Baito habppanu wanppa na, ena ehanidtte, amubia da, Yawe, da Israel danab ah ehanadkkul; da anam heppi, Israel danab ah ag geha lili laa bia, nug haɗag mappata, bala enanag bette, ag amubia daaglag. Israel danab ah ag geha Lebanon appa ad sida laa bia nug diɗiud wan unuqagnab noak ele daatte, ag amubia daaglag.