Sam 92:10 - Nobonob Baibel

¹⁰ Na, da ɠagattagnab, makau okkai ebehi ele dakkuɗ bia heiɗme. Yo, na da itiɗna human qeme.

Sam 92:10 Referans Kwoze

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

Sam 89:17

Aɗinu? Na am ahilag binag amahlak oppiaawak ele, na ahilag ɠagattag ele daattem. Ao, na ii helom bia me, na ehanittak kobol nahip amu, kobol amuppa na hee, ig ɠagattag daattem.

Sam 45:7

Na genab tutukku hak kobolnu oot mauhtte, kobol naunu amu, na nau ninig ele doottem.” Anam amunu, ⌊O king,⌋ Kayak, Nug am nahip Kayak, Nug goɗen gokkaɗakppa tituanitta, maɗoɗppan gamag ahak okkainab, king laa oh eɗattak, na mettom.

2 Korint 1:21

Amu Kayak Nug, ig ag ele ɠagattag megekke, ig oh Kristusnu danab ɠagattag daattem. Kayak Nug ig goɗen gokkaɗakppa tituanikka,

Sam 75:10

Kayak atte. “Da nau hak danab dilag ɠagattag aɗadkkul, amge da danab ag genab tutukku hetteb, da ahilag ɠagattag tuɗidkkul.”

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.

Sam 89:24

Dahil oo metta ii uuak kobol, amu oo mauhaknab kobol dahil ele, amu oh am nug ele daakku. Da nug ehanidppi, nug king ba, nug ɠagattagnab daakku.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

Namba 24:8

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte. Ag huu laala, ahilkad kekeɗ amu, ag heeg nauhadtteb. Ao, ag ebehilkad qiialatteg, naunau netteb. Ag latppa aqatteb.

Sam 132:17

Jerusalem appa da heppi, Dawit buɗubppan laa ɠagattag ba daakku. Ao, da laa nug king daakkunu goɗen gokkaɗakppa tituanmi ele, da heppi, nug danab ah dahilad dilag amahlak daakku.

Namba 23:22

Kayak Nug ag Isipnu diia, omalatte uɗippig; makau okkai ebehi ele dakkuɗ am ɠagattagnab, amu ahilag ɠagattag am amubia daatte.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Luk 1:69

Nug anukka nuhikkud propet oɗelagppa aum bia, Nug ig kekeɗ ihinkad eppelagppanu, amu danab laa ag ihinignu oolagppa nau ninig ele dootteb, Nug ig ag eppelagppanu ele eɗua awigkkunu, Nug ig mamenkad aɗi dilagnu oo gai-iitta doya oo metta ehanadkkunu, Nug nuhig nug tituana nai qakkak nai, amuam Nug ig alanig Abraham amegppa Nug onigppa nuhig nai ɠagattag qetta aum amu, Nug nai amu daug ii atimanu, amu Nug ig ihinkad kekeɗ eppelkadppa qagaiettakppa daamtanu ehanikkeb, ig baɗak iitta daat, Nug noobppa genab tutukku hak danab, oppiaawak ele ihinig deɗ oh daat, ig Nug waappa daat Nug oɗe dim lamidkkunignu elele daagnignu, Nug ig padal mematanu ehanittak danab ɠagattag, nuhig maɗi nid Dawit, nug buɗubppanu me uɗiom,” awa aum.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.

Sam 18:15

O Yawe na he, ulah huanak hos ihie, ulah huana noobppa doa gotte, amubia Na hee, ulah huanak ukke, yu oppate, yu unuqag diigppa oolnu noak daatteb amu, ag miag atippig. Ao, Yawe na nai hee, wan ukku miag atiom.

Sam 101:8

Deɗ anen anen oh, da laa ag ihinig wanppa nau hetteb ele, da ag mattialatte anatten, da heppi, ag nauhkkulag. Da ag hadappi nauhna, ag Yawenu aab okkaippa ii daamna.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!