Sam 91:2 - Nobonob Baibel

² Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 91:2 Referans Kwoze

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 71:3

Na da kekeɗ niɗamanu ehanittak dahil daappe, da hanhan nahip-ppa gokkulnu daakkutnu oɗ medattem. Ao, na am kekeɗ niɗamanu ehanittak dahil, aab aɗ ɠagattagnab ele dahil bia ele daattem amunu, na da padal mepanu ehaniɗkkutnu unuqidttem.

Sam 14:6

Nau hak danab ag, ag daɗek danab ah dilag maittak heppeg nauhkkulagnu hetteb amunu, Yawe Nug daɗek danab ah ⌊nuhikkud, Nug amu⌋ dilag padal mak eɗitteb ena dayaknu ehanittak daatte.

Sam 91:9

Kayak Attannab Laa Oh Eɗattak, Nug nahip ena dayaknu aben bia daatte dayeb, Ge! Yawe, Nug padal mak eɗitta ena dayaknu ehanittak dahil daatte, Nug nahip ena dayaknu aben bia daatte dayeb,

Hibru 11:16

amge anam am iitta. Ag appalag ena dimppanu, hab aabppa amunuib dabmeppig amunu Kayak Nug, “Da ahilag Kayak,” akkunu amu uɗa ii nette. Iitta. Nug aab enanag, ag daaglagnu babaittom daatte.

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Luk 20:38

Kayak Nug danab mauhppig dilag Kayak ii daatte; Nug danab bau daatteb dilag Kayak daatte. Aɗinu? Kayak Nug nuhig dabmakppa danab oh bau daatteb,” awa aum.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 18:3

Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb. Nug ig danab ah, ig Nug binag mekkunignu elele daatte.

Sam 25:2

Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.

Sam 31:15

Da na eppenppa daattem. Kekeɗ ag da iuppeg mauhkkulnu hetteb; laa ag da lamiɗna uɗina, da eɗilkkulagnu hetteb amu, da amu oh dilag qagaiettakppa daapanu na ehaniɗkkutnu oɗ medattem.

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Sam 61:5

O Kayak, aɗinu da ool okkai anam daatte? Na genabnab haknu nai ana qakkak dahil doon ehaniɗna, na danab ah nahipnu ebehilag oh bodoetta le mette ele keeke ena ena, ahilag aug bia madattem amu, na da ele gemu keeke amu meɗame.

Sam 142:6

Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.