Sam 91:16 - Nobonob Baibel

¹⁶ Da na bau dayak haen elab daakkutnu medakkul. Da ehanidppi, na padal ii memana,” awa atte.

Sam 91:16 Referans Kwoze

Prowerb 3:2

Na anam hekkutnu diig am, dahil ippunittak nai, dahil haknunab anak ele aa hepeɗ, na geha haen elab bauklel daakkut. Ao, aa hepeɗ, na ena daakkut.

Prowerb 3:16

Doyak dabmak ena ele am ah laa nug keeke laa paniattaknu eppegppa aɗatte bia. Nug eppeg naɗiap-ppa amu, nug maɗ kuɗumnu bau dayak aɗatte; Ao, nug eppeg nanehppa amu, nug enub, binag ele aɗatte.

Sam 21:4

Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Job 5:26

⌊Kayak Nug heeb,⌋ na kaino elelenab mena, mauhkkut; danab ee meu oɗue haenppa aotte, amubia.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Aisaia 45:17

Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Genesis 25:8

nug mauhom. Nug am danab kainonab. Haen elab wanppa oiya, nug mauhom.

Luk 3:6

Ag anam heppeg, danab ah oh geha Kayak Nug ig eɗua awigkkunu uɗat heeb anidkkulag,’ ” awa aum.

Prowerb 10:27

Yawenu ebehi oh bodoetta le mak kobol am he, danab nug paha ii mauhtte, nug tuɗitta bauklel daatte; amge nau hak danab ag haen tutuib daatteb.