Sam 90:2 - Nobonob Baibel

² Na qauko ii hattame haenppa, ao, na wan, amu keeke oh amuppa daatteb ele ii hattame haenppa, na, O Kayak, na daame. Na am Kayak. Na hanhan anam daame, hanhan ele anam daakkut.

Sam 90:2 Referans Kwoze

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Genesis 1:1

Digmak haenppa Kayak Nug hab, wan ele heum,

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Sam 93:2

O Yawe, anukkanab na digmena, keeke oh gumattem. Ao, na am bauklel.

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Job 15:7

Na danab tatamnab wanppa neum daattem amunute ⌊na doyak okkai ele⌋? Ge, qauko naunau ii daappig haenppa na anin menuittomte?

Sam 146:6

Yawe, laa iitta, Yawe Nug keeke oh, amuam hab, wan, yu ele, amu keeke oh amuppa daatteb ele, Nug amu oh hattom. Ao, Yawe, laa iitta, Yawe Nug hanhan oo metta ii uuak kobol dim lamidtte.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Aisaia 45:22

Amu ag danab ah oh wan atu ohnu ag padal memananu ag da dim lamiɗna, ehanittak da eppelppanu aweg! Aɗinu? Da aakkuib Kayak daattem. Kayak laal ii daatte.

Eksodas 8:6

Yawe Nug a, Aron nug dudqak hokkat huma attan aɗa, le epponatte amu, og kuɗumnab bena, Isip wan amu oh ambeppig.

Job 36:26

Kayak Nug keeke laa oh eɗattak; ig danab ig nuhig ɠagattag, Nug binag, onig okkai ele, ig amunu diignu doyak tutukku aognignu elele iitta. Ao, Kayak Nug hanhan daatte; laa nug maɗ nuhig ebaqakkunu ele iitta.

Sam 102:13

Na geha ahan, Sion danab ah dilagnu oot bodoetta le meeb ehanadkkut. Na amu hekkutnu diig am, gemu aakku na haen amu mena bappaidme daatte. Ao, na ehanadkkutnu gemu aakku anam hekkutnu nai ana tituanme.

Daniel 7:9

Qeqeɗi nakok, dim beum am anam heehe, da neekki ukke, da laa ag kingnu sia enanag kuɗum abenlagppa maatteg daaeg anadmi. Ag maatteg daaegeg, Kayak Hanhan Daatte Nug sia king nuhigppa heɗep na dayom. Lamen nuhig am hakkabnab, sno bia. Nug ikki uɗug am hakkab, sipsip uɗig bia. Sia king nuhig am aab ewak bia dayom. Amu sia king nuhig am ele wil ele, amu wil amu oh am danab aab ile, huana diditte, amubia ag oh huan ewegeg anidmi.