Sam 90:16 - Nobonob Baibel

¹⁶ Na heppe, ig nahip maɗi nid, ig kobol danab haknu elele iitta na hettem amu, ig amu anidkkunignu oɗ medattem. Na heppe, ig buɗunkad ag nahip hak enanagnab anidkkulagnu unuqidttem.

Sam 90:16 Referans Kwoze

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Sam 44:1

O Kayak, ig mamenkad aɗi, ag na anukkanab keeke oh na heme, ag amunu amenigppa mattieg doomut. Yo, ig nai amunu daunigppanab doomut.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Sam 92:4

Aɗinu? O Yawe, keeke na hena meɗame ele, keeke amu he, da gamag ahak doottem. Yo, na keeke hemenu da gamag ahak doyeye, ahi edattem.

Sam 77:12

Da nahip uɗatnu dabmak unuqag awewe daakkul. Ao, da uɗat ɠagattagnab, na nahip ɠagattagppa heme amu, da dabmein daakkul,” awe ami.

Josua 23:14

Nakok laa ele amu, danab kaino ag mauhtteb bia, da mauhkkul. Ag oolag unuqagppanab amu, ag nai Kayak Nug genab heeb bekkunu ana qakkom, nai amunu amu, Yawe, ahilag Kayak, Nug he, amu genab meu beum dootteb. Laippu laa iinab ii tippalom!

Duteronomi 1:39

Nug wan amuppa nokku, aria ag ahilkad nidnu, ‘Wan amuppan danab ag ihinkad nid, nid amu ag am danabnab, ahnab ele ii beppig, ag aɗi hak am ena, aɗi hak am nau, ag amu tutukku ii dootteb ele amu, ag ag aɗualadppeg, ag eppelagppa daaglag,’ appig amu, nid amu ag ele nokkulag. Da wan amu nid amu madakkul. Ag geha wan amu aona, amuppa daaglag.