Sam 90:13 - Nobonob Baibel

¹³ O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Sam 90:13 Referans Kwoze

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 135:14

Aɗinu anam daakku? Yawe Nug heeb, laa ag nuhig danab daatteb ele, ag nuhikkud daatteb dooglag. Ao, Nug ahilagnu oo bodoetta le mekku.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Sam 80:14

O Kayak Nakka Ɠagattag Oh Ele, ig nahipad danab ah, ig grep muɗi amubia daattem amunu, na uɗippe, ig ele daagnignu unuqidttem. Ao, na ig eɗun anigna, ig ele laippu daagnignu, na hab attannu neegppe neeb, ig anigkkutnu oɗ medattem. Ge, na ig, nahip grep muɗi, na ig atognoigkkutnu oɗ medattem.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Hosea 11:8

O gadon, ag Israel ag am dahilad; da attem hein uuadppi, ag laa eppegppa daaglag? Ao, ag Israel, ag dahilad; da attem hein uuadppi, laa nug ahilagnu, ‘Dahilad,’ dookku? Da attem hein uuadppi, ag Atma danab iitta meppig bia iitta mekkulag? Ao, da attem hein uuadppi, ag Seboim danab ah padal meppig bia padal mekkulag? Da oolppa kobol laa hekkulnu doottem. Ao, ahilagnu amu, da ool bodoetta le mette.

Sam 89:46

O Yawe, na nakka na lokkumidttem; amu haen gane laa ele ukkeb, na amu ii hemana? Na hanhan na nakka, na lokkumidkkutte? Nahip oppoɗi bak am aab diditte bia daatte; amu haen gane laa ele ukkeb, nahip oppoɗi bak am anam ii daama?

Sekaraia 1:16

Diig amunu amu, Yawe Nug inam atte. “Da Jerusalem danab ah dilagnu, ⌊Juda laa oh dilagnu ele⌋ ool gai-iitta doye, ool matte ehanadkkulnu eɗuen uɗimi. Da heppi, danab laa ag dahil mettid lag eɗun bappaidna, Jerusalem ele eɗun bappaidkkulagnu dabmak aoglag.” Yawe Nukka Ɠagattag Oh Ele Nug anam atte.

Jeremaia 12:15

Da laa kekeɗ meɗappig dilagppa anam hekkul, amge da ag anam ahilag wanppanu hiɗadppi goppeg, dimppa da ahilagnu oo gai-iitta doye ool matten ehanadppi, ag anen anen eɗun, ahilag wanppa, ag ahilkad aug wanppa daaglag.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Eksodas 32:12

Am na ag anam hadappe, geha Isip ag, ‘Yawe Nug danab ah nuhikkud dilag dabmak eheɗ awa, Nug ag Isipnu diia, omalatte uɗieg, atu qauko imuppa eheɗ naunab hadatta, Nug ag oh aqeeb mauhna, padal mena autna aon, wanppa baula ii daamnanu diia uɗiom,’ aon akkulag, amge amuam uug ele! Ena iitta! Amu O Yawe, na amu hemananu oɗ medattem. Na oo nauhak huanaknab nahip amu, na uun aɗappe, nob maknu dabmak nahip eɗueb, na heppe, danab ah nahipad ag padal ii menananu oɗ medattem.

Namba 10:36

Amu haen oh ag haen tutu dayaknu aab kalan, ag Tituanak Nainu Kunup appa mekkulagnu Yawe aben amu ippuanatte wana amu, Moses nug attom. “O Yawe, na eɗun Israel danab ah, laa ag ebaqadkkulagnu elele iitta, na ag oolagppa daakkutnu oɗ medattem,” awa aum.

Sam 6:5

Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

Sam 80:15

Nanab, na ig wan imuppa daagnignu, danab grep muɗi ebatte bia wan imuppa meigme. Ao, ig na begapad daagnignu, nahipnu danab ah daagnignu hee bemut.

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.