Sam 90:11 - Nobonob Baibel

¹¹ O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Sam 90:11 Referans Kwoze

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Lewitikas 26:24

da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

Duteronomi 28:59

Yawe Nug ahilagppa, amu ag buɗulkadppa ele, Nug ahilagppa oɗe naunab nau digdig danab ah huanak aqe mauhtteb, uug naunab digdig, haen elab daatteb, amu aria, oɗe laala ele, laa heeb, iitta maknu elele iitta, Nug amu ahilagppa meeb nekku.

Lewitikas 26:21

Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Lewitikas 26:18

Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.