Sam 90:10 - Nobonob Baibel

¹⁰ Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Sam 90:10 Referans Kwoze

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Sam 78:39

Aɗinu? Nug ahilagnu amu, ag am danab ah mauhtteb ele aakkuib dabmeum. Ao, ag am ulah nakok laa doa ukka, eɗua ii uɗitte bia daappig amu, Nug amu dabmeum.

2 Samuel 19:35

Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Duteronomi 34:7

Moses nug maɗ 120 dayaya, nug mauhom, amge ameg ii nauhom, nug ɠagattag ele dayom.

1 King 1:1

Haen King Dawit nug kainonab ma dayom, haen amuppa amu, nug beɗu ulah qe, oug doyeye, nuhig maɗi nid ag haen oh palanget laidttappig, amge nug beɗu ii gakkaɗttom, iitta.

Job 24:24

Ag haen tutu danab okkai mena, ɠagattag daan oitteb, amge paha ag nena qetteb, ii daatteb. Ao, Kayak he, ag mauhna, moɗppa niitteb. Ge, ag danab ee aeg meu oɗue otaɗtte bia, ag iitta metteb.’ ⌊Ag da lailad, ag anam atteb,⌋

Job 14:10

Adnu am anam, amge ig danab, ig mauhut, ig beɗunig balalppa aakku niitte. Ao, ig danab ah, ig hik aot autta awota, ig adeppa daattem?

Aisaia 38:12

Danab nug peh lag aɗe na ii daatte, amubia dahil bau dayak am iitta mekkun hette. Danab nug lamen otala hamu agakkunu masinppanu otaɗa aɗe, appa ii daatte amu, dahil bau dayak am anambia iitta mekkun hette.’ Da anam ainne, da, ‘Yawe Nug he, da mauhkkulnu hettem,’ ami.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Job 20:8

Nug dayaya, danab tul niia, wagɗe buttua tul niiom daug atitte, amubia nau hak danab nug iitta ma qettoɗtte; ii daatte. Ge, danab tulegleg anitte, iitta mette, amubia nau hak danab nug iitta mette.

Genesis 6:3

Amu Yawe Nug aum. “Dahil Ouɗi Nug hanhan danab oolagppa ii daama. Aɗinu? Ag am danab; ag mauhtteb. Ahilag dayak am maɗ 120 batak daakku,” awa aum.

Lewitikas 27:7

Am danab laa nug maɗ 60 eɗittak, ag 170 gram silwa da meɗaglagnu daatte. Ah laa nug maɗ 60 eɗittak, ag 110 gram silwa da meɗaglagnu daatte.

Josua 14:11

Da haen matu ɠagattag ele daaiyi, Moses nug meiɗe gomi, amu ɠagattag amubiaib gemu ele ina daatte. Anamib da gemu ele oiyeye, ban heinna daakkulnu elele.

2 Samuel 19:36

Da, da nahip maɗi nid amu, da na ele oh Jodan le imu mataɗa, da ib tutuib na ele oh goɗa, na gobeppe, da eɗuen uɗikkul. Na dahilnu ena hekkutnu attem, amge da aɗi kobol enanag laa hemi amunu, na anam helom?

Job 5:7

Am genab, uug digdig ig danab, ihinigppa betteb am hamu ii betteb; ig heut betteb. Ao, aab ewewe, aeg genabnab pitigna tetteb, nak o laih laih ukkak iitta, genab amubia ig heut, uug ig iqatte.