Sam 90:1 - Nobonob Baibel

¹ O Naɗi, anukkanab uɗie uɗie, gemu ele amu, na ihinig ena dayaknu aben bia dayeye daattem!

Sam 90:1 Referans Kwoze

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Sam 71:3

Na da kekeɗ niɗamanu ehanittak dahil daappe, da hanhan nahip-ppa gokkulnu daakkutnu oɗ medattem. Ao, na am kekeɗ niɗamanu ehanittak dahil, aab aɗ ɠagattagnab ele dahil bia ele daattem amunu, na da padal mepanu ehaniɗkkutnu unuqidttem.

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Esekiel 11:16

Ag anam atteb amunu, na inam Jerusalem danab ah amelagppa appe doyeg! Naɗi Yawe Nug inam atte. ‘Am genab, da hei, ag umanab gona, wan laalappa daatteb. Ao, da hei, ag matatun gona, wan laalappa daatteb. Amge haen gamag imunu appa ag adeppa adeppa daatteb amu, danab mettid lag dahilppa ena daatte, amubia dahil ehanittakppa ag appa nakok ena daatteb,’ awa atte.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Sam 91:9

Kayak Attannab Laa Oh Eɗattak, Nug nahip ena dayaknu aben bia daatte dayeb, Ge! Yawe, Nug padal mak eɗitta ena dayaknu ehanittak dahil daatte, Nug nahip ena dayaknu aben bia daatte dayeb,

Sam 89:1

O Yawe, da oo mauhaknab kobol nahipnu oo gamag ahak doyeye, hanhan ahi edakkul. Yo, da geha oo metta ii uuak kobol nahipnu laa amelagppa madikkul.

Aisaia 8:14

Yawe Nug danab ah ⌊ag anambia hetteb ele amu, Nug amu⌋ dilag lokkumak aben ɠagattag bia daakku, amge Israel, Juda ele dilagppa amu, Nug am men laa danab ippulagppa dayeye, danab ag men amuppa baelag qena, nena qetteb bia daakku. Ao, Nug am men laa he, danab ag nena qetteb, amubia daakku. Amu Jerusalem danab ah dilagnu amu, Nug ahilagnu pelem, o uhui bia ag aɗualadkkulnu daakku.

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.