Sam 9:9 - Nobonob Baibel

⁹ Danab ag laa waalkadppa eheɗ daatteb ele amu, Yawe Nug ahilag padal mak eɗitteb ena dayaknu ehanittak, ag nuhigppa daaglagnu daatte. Ao, Nug am uug doyak haenppa ahilag ban haknu aben ɠagattag bia daatte.

Sam 9:9 Referans Kwoze

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Nahum 1:7

Yawe Nug am ena. Ao, Nug uug nau bak haenppa Nug nuhikkud danab ah dilag padal mak eɗitteb ena dayaknu ehanittak daatte. Ge, uug bak haenppa Nug laa ag nuhignu oolagppa genab dootteb ele atognoadtte.

Sam 32:7

Na aakkuib na dahil lokkumak aben, dahil guppiɗ ele daattem! Ao, na da ehaniɗe, nauhakppa ii daattem amunu, diig amunu da ehanittak nahip-ppanu ahi edattem.

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 37:39

Yawe Nug genab tutukku hak danab ah padal memananu ehanadtte. Uug laa uɗitte am, Nug ban haknu aben ɠagattag ahilag bia daatte.

Sam 18:2

Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.

Luk 13:34

O Jerusalem, O Jerusalem, na propet aqae mauhtteb, maɗi nid Kayak nahip-ppa maatte uɗitteb ele amu, na ag ele menppa aqae mauhtteb. Da haen kuɗum na begapad, matuk anig nug nakkud haugppa qagmaatta tonadtte, amubia qagmaadkkulnu hemi, amge ag uuppig.

Aisaia 8:14

Yawe Nug danab ah ⌊ag anambia hetteb ele amu, Nug amu⌋ dilag lokkumak aben ɠagattag bia daakku, amge Israel, Juda ele dilagppa amu, Nug am men laa danab ippulagppa dayeye, danab ag men amuppa baelag qena, nena qetteb bia daakku. Ao, Nug am men laa he, danab ag nena qetteb, amubia daakku. Amu Jerusalem danab ah dilagnu amu, Nug ahilagnu pelem, o uhui bia ag aɗualadkkulnu daakku.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 20:1

⌊Danab ah ag unuqidppig.⌋ “Haen uug nau na tonidtte amu, ig Yawe Nug nahip unuqittak doya, ehanidkkunu oonig daatte. Yo, ig guittak ohppanu Jakop buɗub dilag Kayak Nug na dabmedakkunu oonig daatte.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Sam 108:12

Danab ah dilag ehanittak am meu iitta. Na ehanigppe, ig kekeɗ eɗadkkunignu oɗ medattem.

Sam 142:4

Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.

Sam 48:3

Kayak Nug, Sion ooppa aben aɗ ɠagattagnab ele daatteb, Nug amu ohppa daatte. Ao, nug danab ah Sion daatteb ele, Nug ahilag aab aɗ ɠagattagnab ele bia daatte.

1 Stori 16:33

Ag anam heppeg, ad atuppa daatteb ag ahi ettaglag. Ao, ag gamag ahak doon, Yawe noobppa ahi ettaglag. Aɗinu? Yawe Nug wan imu epeɗikkunu uɗitte.

Sam 7:9

O Kayak, na genab tutukku hak kobolib dim lamidttem, na danab ah dilag dabmak unuqagnab daatte, na amu neegna anidttem. O Kayak, na heppe, nau hak danab, ag laa guittak nau mauhnoak madatteb, ag amu uuglagnu, na laa oh ag na oɗen dootteb ele, na ag ehanadkkutnu oɗ medattem.

Sam 67:5

Kayak, danab ah oh ag nahipnu oolag gamag aheb, ag na binan mekkulagnu ool hette. Ao, wan atu oh danab ah ag na binan mekkulagnu ool daatte!

Sam 96:10

Ag wanppan wan ohnu danab ah oh amelagppa, “Yawe Nug King daatte!” aig! Nug wan ha, abenabppa meum daatte amunu, laih wakkunu elele iitta. Ao, geha dimppa amu, nug hettoɗiak aɗa, danab ah nai doya mala hettoɗia epeɗia elele mettak kobolppa epeɗiadkku.

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.