Sam 9:19 - Nobonob Baibel

¹⁹ O Yawe, na ahan, danab ah ag na aɗi hekkulagnu attem amu, ag nai amu tabappeg neeb, uuadppe, ag na oɗen ii dim lamidkkulagnu hemananu oɗ medattem! Na wan imuppan wan ohppan danab ah na noomppa qagmaadna epeɗiadkkutnu unuqidttem!

Sam 9:19 Referans Kwoze

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.

Sam 44:23

Am anam daatte amunu, O Naɗi, na ahakkutnu oɗ medattem! Na ig ii ehanigttemnu diig am, da ii doottem. Ao, na ahakkutnu unuqidttem! Na ihinig nai ii doottem amu, na amubia tuɗidna hanhan hemananu, da na oɗ medattem.

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Sam 149:7

Ag wan atu laih laih danab ah eɗadna autna aoglagnu ag wan atu laih laih danab ah bu mattaglagnu

Sam 79:6

Na danab ah ag na waatppa daaglagnu uutteb ele, na ahilagnu ooppoɗin beeb, ag bu madakkutnu oɗ medattem. Ao, na danab ah ɗo maɗoɗ laappan, ag na onin ii diitteb ele, na ahilagnu ooppoɗin beeb, ag bu madakkutnu unuqidttem.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Sekaraia 14:18

Isip danab ah ag Pehppa Dayaknu Hobul gamag ahak ele hekkulagnu uun ii gokkulag dayeb amu, Yawe Nug wanppan wan laala danab ah ag Peh Dayaknu Hobul gamag ahak ele hekkulagnu uun, Jerusalem ii teppeg, ag bu madakku amu, Nug bu amuib, ⌊am gu appa ii nema,⌋ nug bu amu Isip ele madakku.

Maika 5:15

Amu wanppan wan laa oh dilag danab ah ag dahil nai ii dim lamittegeg uɗie, gemu ele dim ii lamidtteb amu, da oo nauhak, oppoɗi bak ele doyen, da ag eheɗ heppignu nob tutukku madakkul,” awa atte.

Joel 3:12

Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Jeremaia 10:25

Wan laalappan danab ah, ag na am Kayak dabmekkulagnu uun, ag na waatppa ele daaglagnu uutteb amu, ag ig Jakop buɗub heikkeg nauhmut. Ag ig heikkeg, ig padal meta autta aomut. Ag ihinig wan ele heeg nauhom. Anam amunu, na amu dilagnu oppoɗin beeb, ag bu madakkutnu ool daatte.

Sam 80:2

ig Israel, ig na anidkkunignu unuqidttem. Na heppe, nahip ɠagattag miag atikkunu oɗ medattem. Ao, na dona ehanigppe, ig padal ii mematanu unuqidttem.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”