Sam 9:17 - Nobonob Baibel

¹⁷ Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Sam 9:17 Referans Kwoze

Sam 50:22

Ag laa ag da dimeɗan, dahilnu ii dabmetteb ele amu, da ag bu naunab madappi, auntai laa ag ehanadkkunu laa ii daamanu, ag dahil nai imu doyeg!

Job 8:13

Amubia amu, danab ag Kayaknu daulag atitte, ag ele paha iitta metteb. Ao, danab ag Kayaknu, nuhig haknu ele uuak kobol dim lamidtteb amu, ag ena bena daaglagnu dabmak aɗan oiglagnu elele iitta.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Jeremaia 18:15

Dahilad danab ah ag ele anam bia alet dabmeɗan oilob, amge iitta, ag dahilnu daulag atiom. Ag ahan, kalu danab ile muttuɗig enanag bette manan, kayak hambuppuak madatteb. Kayak hambuppuak amu ag heeg, dahilad danab ah ag nena qena daatteb. Ao, kayak hambuppuak ag heeg, dahilad danab ah ag kobol ena, anukka ippunittak amu aoppig amu, ag ib amuppa elele ii oitteb. Ag heeg, dahilad danab ah ag ib ena apiɗidna oitteb. Ao, ag ib nauppa oinna, ib enappa ii oitteb.

Jeremaia 13:25

Anamib ahilagppa ana bekku. Da amu bekkunu aakku ain malami. Ag dahilnu daulag atie, ag kayak hambuppuak dilag oolagppa genab dootteb

Jeremaia 2:32

Ah laa nug nuhig ewau matulak awaknu bala daug ii atitte. Ao, ah nug ewau matulak awak haenppa aɗi bala meum am dabmette, daug ii atitte. Nug anam hette, amge ag Israel ag dahilnu haen elabnab daulag atie, dahilnu nakok laa ii dabmeppig.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.

Aisaia 5:14

Diig amunu amu, mauhaknu aben nug oɗe aaheum daatte. Ge, mauhaknu aben nug nuhig oɗe okkainab, huanak aaha daatte. ⌊Mauhaknu aben anam daatte⌋, amu Jerusalemnu danab okkai aɗi, amu Juda danab ah laa kuɗumnab ele, ag mauhak abenppa nokkulag. Ao, Juda danab ah ag gemu gamalag ahehe, hobul henana, muttub qetteb ele amu, ag am geha mauhak abenppa nokkulag.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Sam 106:13

Amge ag pahanab Nug aɗi heum, ag amunu daulag atiom! Ag ulum nai mattaglagnu Nug ameg ii meppig!

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Sam 44:20

O ihinig Kayak, ig nahipnu dup noa binan mak kobol haknu ii dimettamut. Ig kayak laa ii unuqadmut. O Kayak na, na ig aɗi hettem amu, na amu doottem. Ig lokkumakppa keeke hettem am, na anidna doottem amunu, ig kobol nau amu helomlob, na amu doon autnanab aolom.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Jeremaia 3:21

Qauko ikkilkadppa qanak baag laa doyeg! Baag amuam Israel danab ah ag kobol eheɗ dim lamidna, kaliak henana, ag Yawe, ahilag Kayak daulag atiom dootteb amunu, ag gaanna, Nug oo doyakppa unuqidtteb.

Sam 44:17

O Kayak, ig nahipnu ii daunig atiom. Ao, ig na ele nug tituanta nai qakkamut, nai amuppa ig aɗi aɗi hekkunignu daatte amu, ig nai amu ii uumut. Ig tappaut ii neum. Amge uug imu iikku ihinigppa betteib.

Job 5:13

Danab ⌊wan imuppan⌋ dabmak doyak ena ele laala ag doyak amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb. Ge, danab laa ag keeke laa hekkulagnu lokkumakppa dabmenana maittak eheɗ aotteb ele amu, Kayak Nug he, ahilag hak nau amu aakku padal mette.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Esekiel 22:16

Amu wanppan wan laalappan danab ah ag ahilagnu, ‘Ag Yawenu neekkakppa ag oolagppa dubuttid teum daatte dooppeg, ag Israel, ag dooglag, da am Yawe!’ ” Yawe Nug anam aum.