Sam 9:15 - Nobonob Baibel

¹⁵ Danab ah wan imuppan wan laalappanu ag moɗ laa, danab ah laa ag amuppa nena qena daaglagnu aoppig amu, ag akka ag moɗ amuppa noppig. Ao, ag akka ag ahilag uhuippa noppig.

Sam 9:15 Referans Kwoze

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Sam 35:8

ag laippun padal mekkulagnu ool daatte! Ag da awiɗkkulagnu pelem meppig amu, ag amuppa tekkulagnu na oɗ medattem. Ao, ag moɗ laa da amuppa noin qekkulnu buuppig, amuppa ag nona qena, mauhkkulagnu unuqidttem.

Prowerb 22:8

Laa nug nau hette amu, nug uug anidkku; nug oppoɗi beebe, laa guittak madakkunu hette amu, Yawe Nug heeb, nug amu hekkunu elele iitta daakku.

Sam 94:23

Yawe Nug nau hak danab ah bu madakku. Ao, Nug ahilag nau haknu hatteb nauhkkulag. Ge, Yawe, ihinig Kayak, Nug ag hatteb nauhkkulag.

Sam 37:15

Amge geha nau hak danab dilagnu amu, geha laa ag ahilkad qep elab ag eppelagppanu aɗadna aɗan, amuppa ag gamalkad otuladnana, ag lat ahilkad ele qiiglag.

Sam 13:6

Yawe Nug dahilnu ena heum amunu, da nuhignu ahi edakkul.

Sam 20:6

⌊Danab ah ag anam unuqitteg, laa nug aum.⌋ “Gemu amu, da imu doottem. Yawe Nug laa king daakkunu goɗen gokkaɗakppa tituanom ele amu, Nug geha king amu padal memanu ehanidkku. Yawe Nug hab aabppanu, hab aab am nuhignu tituanak daatte, Nug appanu kingnu nai doya, nai nob medatta, Nug nug nuhig ɠagattag okkaippa ehanitteb, qagaiettakppa ii daama.

Sam 35:9

Am uug anam ahilagppa bekku dayeb amu, da Yawenu gamag ahak dookkul. Yo, uug amu ahilagppa bekku dayeb amu, Yawe Nug ehaniɗe, da padal ii meminu, da enanagnab dookkul.

Sam 107:22

Ag Yawe noobppa ena heme anaknu ofa hena, ag keeke ena ena Nug danab dilag hettenu ahi gamag ahak ele etteg!