Sam 9:14 - Nobonob Baibel

¹⁴ ⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Sam 9:14 Referans Kwoze

Sam 13:5

Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 106:2

Auntai laa nug Yawenu kobol danab hekkunu elele iitta, nug amunu mehuqkkunu elele? Auntai laa nuhignu humittak elelenab hekkunu elele?

Sam 51:12

Hipunin danab nug oo eɗue, na ehanitte, padal ii ma, maɗoɗppan gamag ahak dootte amu, na heppe, da maɗoɗppan gamag ahak amu doomi, baula dookkulnu unuqidttem. Ao, na da ehaniɗppe, da na oɗen dim lamidkkulnu ool dayeb, da amu hekkulnu ɠagattag meɗakkutnu oɗ medattem.

Sam 35:9

Am uug anam ahilagppa bekku dayeb amu, da Yawenu gamag ahak dookkul. Yo, uug amu ahilagppa bekku dayeb amu, Yawe Nug ehaniɗe, da padal ii meminu, da enanagnab dookkul.

Sam 20:5

Yawe Nug heeb, na nahip kekeɗ eɗadppe, ig geha gamag ahak naɗi aognignu oonig daatte. Ig pilak laala, yaak amuppa Kayak binag mette ele qappaladpput daaglagnu oonig hette. Yawe Nug nahip unuqittak oh nob mekkunu oonig daatte.”

Aisaia 37:22

da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Sam 21:1

O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

Aisaia 62:11

Yawe Nug wan atu ohnab danab ah dooglagnu nai imu mattiom. Nug aum. “Ag Juda danab ah amelagppa appeg doyeg! ‘Antteg! Laa nug ag ehanatteb, ag padal ii memananu uɗitte. Ge, antteg! Nug nuhig en okkai nuhikkud danab ah madakkunu awa uɗitte. Am ⌊genab⌋ Nug nuhig keeke enanag, nuhikkud danab ah madakkunu awa uɗitte, ag anam madippeg doyeg!’ ” Yawe Nug anam aum.

Aisaia 12:3

Haen laa geha uɗikku, haen amu uɗieb, geha ag Yawe ehanatte, ag padal ii meppig dabmena, gamag ahak aoglag; danab nug le baag diie, baag qaɗaiette, le ena mattia antta laawo gamag ahatte bia, ag gamalag ahakku.

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Sam 51:15

O Naɗi, na da oɗel ehanidppe elele dayeb, da oɗelppa na humidkkulnu oɗ medattem.

Sam 42:4

Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

Sam 35:18

Am na da kekeɗ eppelagppanu ehaniɗna awiɗkkut dayeb amu, da Israel dilag tamaniak noolagppa, nahipnu “Ena heme,” awe akkul. Yo, da danab ah oh noolagppa, na binan mekkul.

Sam 22:25

Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 3:9

Antte! Da Israel danab dilag gayak doyen, Isip danab ag layag ɠagattag iitta ele eheɗ hettak kobol dim lamidnana, Israel dilagppa kobol eheɗ hetteb ele anidmi,

Sam 6:3

Da ool uug okkainab ele daattem. O Yawe, haen gane laa ele ukkeb, na da ehaniɗkkut? Ge, haen gane laa ele ukkeb, na da ehaniɗkkut?

Sam 75:9

Amge dahilnu amu, da hanhan Kayak aɗi heumnu akkul. Ge, da hanhan ahi edette, Jakop buɗub dilag Kayak binag mekkul.