Sam 9:13 - Nobonob Baibel

¹³ O Yawe, na dahilnu oot gai-iitta doon oot meɗan ehaniɗkkutnu oɗ medattem. Ao, na da laa ag dahilnu nau ninig ele dootteb, na da ag eppelagppa daaiyi, ag eheɗ heiɗtteb anidkkutnu oɗ medattem. Ge, na da mauhakppan eɗun awiɗkkutnu unuqidttem.

Sam 9:13 Referans Kwoze

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 30:3

O Yawe, da mauhkkulnu heiyi, na hee, da ii mauhmi. Ao, da mauhak abenppa gokkulnu heiyi, na hee, da ii mauhmi.

Gayak Nai 1:11

Juda danab ah oh ag ee mattinna, ag aiqagatteb. Ag en okkai laa aon, ee huppu nakok, ag bau daaglagnu en okkai amuppa daden mekkulagnu hetteb. Juda ag atteb. “O Yawe, laa ag ig Juda, ag ihinignu ena iinab dootteb amunu, na ig neekkigna, ihinignu dabmekkutnu oɗ medattem,” oɗ mettan maditteb.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Aisaia 38:10

“Da ⌊oɗe mein, da⌋ inam ami. ‘Da danabnab dayeye, da kaino ii memi, haen imuppa da mauhkkulnu daattem. Da keeke okkainab, uɗat laa, uɗat dahil laa oh eɗittak hekkulnu daattem, amge yab danab laanu keeke yab aotte, amubia mauhak am dahil haen yab aweb, da mauhen, uɗat amu ii hepan daattem.

Sam 142:6

Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

Sam 119:153

Da nahip ɗo daul ii atiom amunu, na da uug mawewe daattem imu neegna ehaniɗppe, da qagaiettakppa ii daapanu oɗ medattem.

Sam 119:132

Na laa ag nahipnu oolag mauhe, na oot ag madattem, amubia na dahilnu dabmena, dahilnu oot gai-iitta doon oot meɗan ehaniɗkkutnu oɗ medattem.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 38:19

Dahil kekeɗ am kuɗumnab. Ao, da ahilagnu nau laa ii hemi me, ag dahilnu nau ninig ele dootteb.

Sam 25:19

Ao, kekeɗ dahilad kuɗumnab bena, ag dahilnu nau ninig ele naunab dootteb amunu, da na amunu dabmekkutnu unuqidttem!

Sam 13:3

O Yawe, dahil Kayak, na eɗun aon, nai nob meɗakkutnu oɗ medattem. Ao, na da ii ehaniɗkkut dayeb amu, da mauhkkul.

Nehemaia 9:32

O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.

Jon 2:6

Amu le itaknu hanak menppa hak eblaih laippu ele, Juda ag haen oh ahilag kobolppa amuppa le laaglagnu meeg daappig. Hanak amu anen anen 100 lita anam le inakkunu elele.

Sam 107:18

Ag baalag eenu ii he, oolagppa uuaknab doon, mauhkkulagnuib daappig.

Genesis 4:9

Mauhe amu, Yawe Nug Kain amegppa aum. “Na amap Abel adeppa daatte?” awa oɗ mettom. Oɗ mette amu, Kain nug aum. “Eetai, da ii doottem. Da haen oh Abel gume daakkulnu daattemte?”

Genesis 4:10

Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

1 King 21:19

Amunu na gona, Ahap amegppa inam appe doyaɗ! ‘Da Yawe, da attem. Na Nabot iite qe mauhom? Na nuhig wan amu na yab iite aome?’ Amge da na tutukku amenppa attem. ‘Aben qai ag Nabot tiig lappigppa, aben amuppaib am geha qai ag na tiin ele lakkulag,’ awe attem,” awa aum.

2 King 9:26

‘Da, Yawe, da tumai keeke na heme amu, da anidmi. Danab ag na oot niiom dim lamidna, ag Nabot, bekkod ele aqaeg mauheg da anadmi. Amunu da, Yawe, da nai genab attem. Eheɗ hak nau nahip amu, da geha Nabotnu wan na yab aome, da wan amuppa da hak nau amunu nob eɗue medakkul,’ awa aum.” Jehu Nug anam awowa, nug tuɗitta, Bitkar amegppa aum. “Amu Yawe Nug nai aum bia amu, na Joram gaɗa amu aon buɗippe, Nabotnu wanppa ukkaɗ!” awa aum.

2 Stori 24:22

King Joas nug Sekaraia mameg Jehoiada nug nuhignu ena heum ii dabmeum. Iitta. Nug danab nuhignu ena heumnu bekka aakku qe mauhom. Nug anam he, Sekaraia nug mauhaha, nug aum. “Yawe Nug nahip hak imu antta, Nug heeb, nahip hak nau imunu bu mettak nahip-ppa bekkunu ool daatte,” awa aum.

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

Sam 12:6

Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.