Sam 89:8 - Nobonob Baibel

⁸ O Yawe Kayak Nakka Ɠagattag Oh Ele, auntai na bia laa iitta! O Yawe, na ɠagattagnab ele. Na oo metta ii uuak kobolnu diig daattem.

Sam 89:8 Referans Kwoze

Sam 71:19

O Kayak, nahip genab tutukku hak am attannab daatte. Na, laa iitta, na keeke okkai okkai kuɗum heme. Auntai laa nug na bia ii daatte. Laa iitta.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

1 Samuel 2:2

Laa nug oppiaawak, Yawe daatte bia, laa nug amubia ii daatte. Kayak laa ii daatte. Ihinig Kayak Nug kekeɗ ig nikkamanu ehanittak ihinig daatte, laa nug anam bia ii hette.

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

Sam 89:6

Aɗinu? Auntai laa hab ohppan nug Yawe ele melemel laippu ele daakkunu am laal iitta. Ao, auntai laa nug ag hab attan daatteb oolagppanu, nug Yawe bia iitta.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Sam 24:8

King Nug binag amahlak oppiaawak ele amu, Nug am aun? Nug am Yawe. Nug ebehi naɗi ele. Nug am Yawe, Nug nuhig kekeɗ oh, ban hak haenppa eɗadtte.

Aisaia 28:22

Naɗi, Nug Yawe Nukka Ɠagattag Oh Ele, Nug da amelppa Nug genab wan imu oh heeb nauhkkunu ɗo meum daattenu aum amunu, ag Yawe nai maditte, ag amunu imak uueg! Ag amu ii uuglag dayeb, Yawe Nug bu mettak ahilag tuɗitteb, awaknu daatte eɗittak, okkainab mekku.

Sam 89:13

Na ebehin ele! Na eppennab am ɠagattag ele! Nahip ɠagattagppa amu, na kekeɗ eɗadttem.

Job 9:19

Laa nug nuhig ɠagattagppa Kayak eɗidkkunu elelete? Iittanab! Kayak Nug am ɠagattag oh ele. Ge, laa nug Kayak awa, hettoɗiak abenppa ukka, appa naippa yaakkunu elelete? Iittanab! Kayak Nug am nai doya mala hettoɗia epeɗia elele mettak kobolnu diig amunu, auntai laa nug naippa yaakkunu elele iitta.

Josua 22:22

“Yawe Nug nukka aakkuib am Kayak! Yawe Nug nukka aakkuib am Kayak! Ig Yawe waappa daagnignu uut, nuhig nai tabapput nekkunu qaɗab imu ii hemut. Ag ig genab Yawe waappa daat, nuhig nai tabapput nekkunu hemut anigtteb dayeb amu, ag gemu ig iqappeg mauhtu! Amge anam iitta. Yawe Nug ig Nug dimettata, kayak laa dim lamidkkunignu ikka ihinignu qaɗab imu ii hemut dootte. Nug dootte amu, ig ag Israel laa oh ele amu dooglagnu oonig daatte. Ig qaɗab amu hemut, amge ig manaknu ofa, o ee aegnu ofa, o laippu dayaknu ofa amuppa ii hemata. Yawe Nug neekka, ig kobol laa amu hekkunignu hemut anigkku dayeb amu, Nug ig bu megakkunu oonig daatte, amge anam iitta.

Duteronomi 32:31

Nai amu genab daattenu diig am, ig Israel, ihinig Kayak, Nug hanhan ɠagattag daatte. Anam amge, ihinkad kekeɗ dilag kayak, ag am ɠagattag iitta. Ahilag kayak am ihinig Kayak bia iitta. Anam amu, ihinkad kekeɗ ag amu doon maditteb.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

1 Samuel 15:19

amunu, aɗinu na nuhig nai ii dim lamidme? Aɗinu na Amalek dilag keeke, Yawe Nug ag keeke amu ohnab heppeg, nuhignuib, nuhig pelemppa daaglagnu aum amu, aɗinu na keeke amu aokkutnu na eppen pahanab bahin aome? Amuppa amu, na Yawenu neekkakppa eheɗ heme,” awa aum.

Duteronomi 7:21

Yawe, ahilag Kayak, Nug am ɠagattag okkai ele, danab Nug antta, ebehi oh bodoetta le mette elenu Kayak amunu, ag danab amu dilagnu baɗak eheɗ nau aib dooppig.

Nehemaia 1:5

Da unuqitten, da inam ami. “O Yawe Kayak, na hab attan daattem. Na ɠagattag okkai ele, danab na anitta, nug ebehi oh bodoetta le mette elenu Kayak. Na danab ah ag nahipnu oo mauhak dootteb, ag nahip ɗo nai dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Job 37:22

Yawalti uɗia ye, bud ukka male, danab aam anidna, ⌊enanag dootteb⌋. Ao, Kayaknu amu, nuhig ɠagattag okkai naɗi ele, danab nug antta, nug ebehi oh bodoetta le mette.